დღეს ისრაელში ჰოლოკოსტის მსოფლიო ფორუმი იმართება. ქვეყანას მსოფლიოს მასშტაბით 49 უმაღლესი დონის დელეგაცია სტუმრობს.
სტუმრებს ვიდეო მიმართვით ისრაელის პრემიერმა ბენიამინ ნეთანიაჰუმ მიმართა.
„მივესალმები ლიდერებს მთელი მსოფლიოდან, რომლებიც აქ, იერუსალმში, ოსვენციმის გათავისუფლების 75 წლისთავზე ჩამოვიდნენ. მნიშვნელოვანია, რომ მათ ახსოვთ, საიდან მოვდივართ და ასევე მნიშვნელოვანია ნახონ, რას მივაღწიეთ“,-განაცხადა ნეთანიაჰუმ.
სხვა მნიშვნელოვან შეხვედრებს შორის, ბენიამინ ნეთანიაჰუ აშშ-ის სახელმწიფო მდივან მაიკ პომპეოსთან, რუსეთის პრეზიდენტ ვლადიმერ პუტინთან და საფრანგეთის პრეზიდენტ ემანუელ მაკრონთან გამართავს აუდიენციას.
ცნობისთვის, ოსვენციმის საკონცენტრაციო და სიკვდილის ბანაკი პოლონეთის ტერიტორიაზე იყო განლაგებული. ბანაკი 1945 წლამდე მოქმედებდა. ამ პერიოდის განმავლობაში აქ ზოგიერთი მონაცემებით 1,1 მილიონზე მეტი სხვადასხვა ეროვნების ადამიანი, მათ შორის უმეტესობა ებრაელები დახოცეს.