წყალტუბოს მუნიციპალიტეტში, სოფელ სორმონის მოსახლეობამ საპროტესტო აქცია გამართა

წყალტუბოს მუნიციპალიტეტში, სოფელ სორმონის მოსახლეობამ საპროტესტო აქცია გამართა. მოსახლეობა აცხადებს, რომ სოფელში გზა დაზიანებულია და გადაადგილება უჭირთ. მათივე თქმით, პრობლემაა ის, რომ სოფელში გაზი არ არის შეყვანილი, ადგილობრივებს კი შეშის მოჭრის უფლებას არ აძლევენ.

„არაერთი პრობლემა გვაქვს, გზაა არ არის, ვერ დავდივართ, ავტობუსიც კი არ მოდის ამის გამო. თუმცა ამ ზამთარში ყველაზე დიდი პრობლემა, გაზიფიცირებაა. გაზი არ არის, შეშის მოჭრის უფლებას არ გვაძლევენ. ზამთარში ვერ ვთბებით, ამ პრობლემების გამო სოფელი დაიცალა. მხოლოდ საარჩევნოდ ვახსენდებით“, - განაცხადეს ადგილობრივებმა. ადგილობრივების პროტესტს ასევე შეუერთდა პარტია „თავისუფალი საქართველოს" იმერეთის ორგანიზაციის ხელმძღვანელი გოგი წულაია.

აღსანიშნავია, რომ აქციის პარალელურად შეიკრიბა რამდენიმე ადგილობრივი, რომელთაც განაცხადეს, რომ სოფელს გზის პრობლემა არ აქვს და გაზიფიცირებაც მალე მოხდება.

ზურაბ ბატიაშვილი - ხელისუფლებას აქვს მარტივი არჩევანი - ან დასავლეთთან ერთად ან დასავლეთის წინააღმდეგ, ამ არჩევანში თუ დასავლეთის და საკუთარი ხალხის წინააღმდეგ წავლენ, ხელისუფლებას მალევე დაკარგავენ
ქართული პრესის მიმოხილვა 04.03.2021
კახა გოგოლაშვილი - ევროკავშირის მედიაცია გახდა ინსტრუმენტი, რომელიც არ არის ერთჯერადი, სანამ კრიზისი არ მოგვარდება, ევროკავშირი ამ პროცესში ჩართული იქნება
შეფუთვის ვინტაჟური სტილი და ევროპული სტანდარტების ქარხანა - „ვაკე“ 2021 წელს სიახლეებით იწყებს
იურიდიული პირები პროკრედიტ ბანკში ანგარიშებს დისტანციურად გახსნიან