თბილისის საქალაქო სასამართლოში 20 ივნისს დაკავებული მორის მაჩალიკაშვილისა და ბეჟან ლორთქიფანიძის მორიგი სასამართლო სხდომა მიმდინარეობს. პროცესს მოსამართლე დავით მგელიაშვილი უძღვება.
დღევანდელ პროცესზე ბრალდების მხარის ორი მოწმე, ორი სამართალდამცველი დაიკითხება.
როგორც პროცესის დაწყებამდე ჟურნალისტებს ბეჟან ლორთქიფანიძის ადვოკატმა გიორგი გელხაურმა განუცხადა, ყველა სასამართლო პროცესი ერთმანეთს ჰგავს და რეალურად არ არიან წარმოდგენილები მოწმეები, რომლებიც რომელიმე ბრალდებულის შესაძლო დანაშაულს დაადასტურებენ.
ცნობისთვის, 20 ივნისის საქმეზე გამოძიება სისხლის სამართლის კოდექსის 225-ე მუხლით მიმდინარეობს, რაც ჯგუფურ მოქმედებაში მონაწილეობას გულისხმობს, რასაც თან ახლდა რბევა, ძალადობა, სხვისი ნივთის დაზიანება და განადგურება, ხელისუფლების წარმომადგენლისადმი წინააღმდეგობა და მასზე თავდასხმა.