ეს გააადვილებს რუსთაველის გამზირის გადაკეტვას და ამაზე პასუხისმგებელი კახა კალაძე იქნება, - ამის შესახებ "ევროპული საქართველოს" წევრმა გიორგი კანდელაკმა ჟურნალისტებს განუცხადა, რითაც გამოეხმაურა თბილისის მერიის მიერ პარლამენტის შენობის წინ რეაბილიტაციის სამუშაოების დაწყებას და მიმდებარე ტერიტორიის შემოღობვას.
გიორგი კანდელაკის თქმით, ამის მიუხედავად საპროტესტო აქციები და პარლამენტის პიკეტირება გაგრძელდება.
"ხანდახან გასაკვირია ხოლმე, რატომ იხდიან თავს სამასხარაოდ. ეს პროტესტის ადგილია. პროტესტი გაგრძელდება და "ქართულ ოცნებაზე" წნეხი გაძლიერდება. კი ბატონო, შემოღობონ. პირიქით, აქციების და პარლამენტის პიკეტირების დროს, რაც ცხადია, გაგრძელდება, სანამ "ქართული ოცნება" არ დაჰყვება მთლიანად საზოგადოების ნებას, ეს გააადვილებს რუსთაველის გამზირის გადაკეტვას და ამაზე პასუხისმგებელი კახა კალაძე იქნება", - განაცხადა კანდელაკმა.