გენერალურ პროკურატურაში, გენერალური პროკურორობის კანდიდატებთან დაკავშირებით, საპროკურორო საბჭოს პირველი სხდომა მიმდინარეობს. დღევანდელი სხდომა საპროკურორო საბჭოს შემადგენლობის ფარგლებში ტარდება და მას არ ესწრებიან კანდიდატები.

გენერალური პროკურატურის ინფორმაციით, საპროკურორო საბჭო, სხდომაზე შეამოწმებს საქართველოს გენერალური პროკურორობის კანდიდატებად წარმოდგენილი 17 პირის „პროკურატურის შესახებ“ საქართველოს ორგანული კანონის მე-16 მუხლის პირველი პუნქტით დადგენილ კრიტერიუმებთან შესაბამისობას და საპროკურორო საბჭოსთვის, 2019 წლის 16 დეკემბრის N2 განკარგულების N1 დანართის შესაბამისად წარდგენილი დოკუმენტების სისრულეს. მათივე ცნობით, სხდომაზე საპროკურორო საბჭოს წევრები ასევე, იმსჯელებენ გენერალური პროკურორობის კანდიდატის შერჩევის წესზე და მასთან დაკავშირებულ საკითხებზე.