ლევან დადუნაშვილის მკვლელობაში მსჯავრდებულ გუგა ბარბაქაძის ადვოკატმა, ბარბაქაძისთვის საპროცესო შეთანხმების გაფორმებააზე პროკურატურას შუამდგომლობით მიმართა

ხორავას ქუჩაზე ლევან დადუნაშვილის მკვლელობაში მსჯავრდებულ გუგა ბარბაქაძის ადვოკატმა, რამაზ ჩინჩალაძემ ბარბაქაძისთვის საპროცესო შეთანხმების გაფორმებასთან დაკავშირებით პროკურატურას შუამდგომლობით მიმართა.

აღნიშნულ შუამდგომლობაზე პროკურატურა პოზიციას მომდევნო სასამართლო სხდომაზე დააფიქსირებს.

როგორც გუგა ბარბაქაძის ადვოკატმა, რამაზ ჩინჩალაძემ პროცესის დასრულების შემდეგ ჟურნალისტებს განუცხადა, გუგა ბარბაქაძე კატეგორიულად ეწინააღმდეგება დავით სარალიძის მკვლელობაში მის მონაწილეობას. თუმცა, კითხვაზე, აღიარებს თუ არა, მსჯავრდებული ლევან დადუნაშვილის მკვლელობას, ვინაიდან საპროცესო შეთანხმების მისაღწევად აღიარება აუცილებელი პირობაა, ადვოკატი პირდაპირ არ პასუხობს.

„გ.ბ. ორგზის გამართლებულია დავით სარალიძის ეპიზოდში. ამ კუთხით ეს საკითხი ჩვენთვის ამოწურულია. რაც შეეხება მეორე ეპიზოდს - ლევან დადუნაშვილის ეპიზოდს, თუ საპროცესო შეთანხმება გაფორმდება, კანონით არის განსაზღვრული, თუ რა შეიძლება იყოს საპროცესო შეთანხების გაფორმების საფუძველი. თუკი, ეს მოხდება, კანონის შესაბამისად ვიმოქმედებთ. რაიმე ისეთი ინფორმაცია, რაც გ.ბ.-ს აქამდე გამოძიებისთვის არ მიუწოდებია, არ არსებობს", -აცხადებს ჩინჩალაძე.

მისივე განმარტებით, პირი, რომელსაც ნაცნობობა აკავშირებს როგორც გუგა ბარბაქაძის, ასევე ლევან დადუნაშვილის ოჯახთან, ადვოკატის ნებართვის გარეშე დადუნაშვილისა და მსჯავრდებულის ოჯახს შორის ურთიერთობის დალაგებას შეეცადა, რამაც ჩინჩალაძის თქმით, ცუდი შედეგი გამოიღო.

„იყო კონკრეტული პირი, ვინც შეეცადა არასწორი ინფორმაციით, ოჯახებს შორის ურთიერთობაში დადებითი როლი ეთამაშა. თუმცა, ეს ასე არ მოხდა. არასწორი ინფორმაციის მიტანა ნეგატიური შედეგის გამომწვევია.

სამწუხაროდ, ვერ დაგიკონკრეტებთ ვინ და რა თხოვნით მივიდა ოჯახთან. თუმცა, სურდა გარკვეული დადებითი როლი შეეტანა ოჯახების ურთიერთობაში", - განაცხადა ჩინჩალაძემ.

რიგი გარემოებებიდან გამომდინარე, ადვოკატს გუგა ბარბაქაძისთვის საპროცესო შეთანხმების გაფორმების მოლოდინი არ აქვს.

„სამწუხაროდ, გარკვეული ნეგატიური გავლენებიდან გამომდინარე, რაც ამ ორ ოჯახს შორის მოხდა, დიდი მოლოდინი არ მაქვს", - აცხადებს ადვოკატი.

კახა გოგოლაშვილი - ევროკავშირის მედიაცია გახდა ინსტრუმენტი, რომელიც არ არის ერთჯერადი, სანამ კრიზისი არ მოგვარდება, ევროკავშირი ამ პროცესში ჩართული იქნება
ქართული პრესის მიმოხილვა 01.03.2021
ქართული კონსტიტუციის 100 წლისთავთან დაკავშირებით კავკასიის საერთაშორისო უნივერსიტეტი სამეცნიერო კრებულს ამზადებს
ევროპის გუნდი: ლიბერთი ბანკისთვის უზრუნველყოფილი დამატებითი დახმარებით, COVID-19-ის კრიზისის დასაძლევად  ევროპის საინვესტიციო ბანკის მიერ მიკრო, მცირე და საშუალო საწარმოების მხარდაჭერა ახალ ეტაპზე გადადის
"მაგნიტის" ყოველდღიური 20%-იანი აქცია უფრო მრავალფეროვანი ხდება
სამომხმარებლო სესხი 3-თვიანი სრული საშეღავათო პერიოდით - ტერაბანკის ახალი აქცია
ბაკურიანში საერთაშორისო სათხილამურო ფედერაციის ეგიდით მსოფლიო თასის ეტაპი სკი კროსში დასრულდა