ომბუდსმენი - წულუკიანმა დაარღვია პერსონალური მონაცემების შესახებ კანონმდებლობა, როდესაც უკანონოდ შეინახა და შემდეგ გაასაჯაროვა სახალხო დამცველის წარმომადგენლის შეხვედრა პატიმართან

მე ვფიქრობ, რომ ქალბატონმა თეა წულუკიანმა დაარღვია პერსონალური მონაცემების შესახებ კანონმდებლობა, როდესაც სრულიად უკანონოდ შეინახა და შემდეგ გაასაჯაროვა კადრები, - ამის შესახებ სახალხო დამცველმა, ნინო ლომჯარიამ ჟურნალისტებს ადამიანის უფლებათა კომიტეტის სხდომაზე, იუსტიციის მინისტრის, თეა წულუკიანის მიერ სახალხო დამცველის პრევენციის ეროვნული მექანიზმის მონიტორინგის კადრების გასაჯაროების საკითზე საუბრისას განუცხადა.

ნინო ლომჯარიას თქმით, აღნიშნულ ფაქტზე პერსონალური მონაცემების დაცვის სახელმწიფო ინსპექტორს მიმართავენ.

„რაც შეეხება ორ ვიდეომასალას, სადაც ჩანს სახალხო დამცველის წარმომადგენელი როგორ ესაუბრება პატიმარს და როგორ მუშაობს დაწესებულებაში, რომელიც გუშინ ქალბატონმა წულუკიანმა საკომიტეტო სხდომაზე გაასაჯაროვა, მე ვფიქრობ, რომ ადგილი ჰქონდა კანონის არაერთგზის დარღვევას მისი მხრიდან. პირველ რიგში სახალხო დამცველის წარმომადგენლის შეხვედრა პატიმართან არის კონფიდენციალური ინფორმაცია და ქალბატონმა წულუკიანმა კანონის დარღვევით გაასაჯაროვა ეს ინფორმაცია, თანაც იმგვარად, რომ ჩვენი წარმომადგენლის სახე არ იყო დაფარული. არანაირი კანონდარღვევა ჩემი წარმომადგენლის მხრიდან არ ფიქსირდებოდა და შესაბამისად, სრულიად წარმოუდგენელია, რა გახდა ამ ინფორმაციის შენახვის და დაარქივების საფუძველი. მე ვფიქრობ, რომ ქალბატონმა წულუკიანმა დაარღვია პერსონალური მონაცემების შესახებ კანონმდებლობა, როდესაც სრულიად უკანონოდ შეინახა და შემდეგ გაასაჯაროვა აღნიშნული კადრები. ამიტომ ჩვენ მივმართავთ პერსონალური მონაცემების დაცვის სახელმწიფო ინსპექტორს, რომ თავისი კომპეტენციის ფარგლებში შეისწავლოს აღნიშნული ჩანაწერების გასაჯაროება და გამოიყენოს მის ხელთ არსებული სანქცირების მექანიზმი“, - განაცხადა ნინო ლომჯარიამ.

სტეპან გრიგორიანი - რუსეთი ჩქარობს სამხრეთ კავკასიაში დასავლეთთან შედარებით უპირატესობის მიღწევას
მინდია დავითაძე - საამაყოა, როცა WIPO-ს გენერალური დირექტორის მხრიდან დადებითად ფასდება საქპატენტის საქმიანობა
ქართული პრესის მიმოხილვა 05.03.2021
ზურაბ ბატიაშვილი - ხელისუფლებას აქვს მარტივი არჩევანი - ან დასავლეთთან ერთად ან დასავლეთის წინააღმდეგ, ამ არჩევანში თუ დასავლეთის და საკუთარი ხალხის წინააღმდეგ წავლენ, ხელისუფლებას მალევე დაკარგავენ
იურიდიული პირები პროკრედიტ ბანკში ანგარიშებს დისტანციურად გახსნიან
საერთაშორისო სისტემა ინტელიექსპრესი საქართველოს მოქალაქეებისთვის ევროპულ სერვისებზე წვდომას ამარტივებს