ზაზა გაბუნიას წიგნის - „მონოლოგი სარწეველა სკამიდან“ მკითხველების წინაშე წარდგენა გაიმართა

საქართველოს პარლამენტის რეგიონული პოლიტიკისა და თვითმმართველობის კომიტეტის თავმჯდომარის ზაზა გაბუნიას რომანის - „მონოლოგი სარწეველა სკამიდან“ მკითხველების წინაშე წარდგენა ვაკის მედიათეკაში გაიმართა.

როგორც „ინტერპრესნიუსს“ პარლამენტიდან აცნობეს, პრეზენტაციას ცნობილი მწერლები, ლიტერატურული კრიტიკოსები, მსახიობები, საზოგადოებისთვის ცნობილი სახეები, მედიის წარმომადგენლები და ლიტერატურის მოყვარულები ესწრებოდნენ.

„ძალიან ბედნიერი ვარ იმით, რომ შევიკრიბეთ ლიტერატურაზე სასაუბროდ და ორმაგად ბედნიერი იმით, რომ ამ შეკრების მიზეზი ჩემი ეს ახლად გამოცემული რომანია. ის ნახევარი მილიონი ასო-ბგერა და სიმბოლო, რაც ამ რომანის შესაქმნელად გახდა საჭირო, ვფიქრობ, საუბრობს იმაზე, რაზეც არა ერთი და ორი წელი მსურდა მესაუბრა და ამან საბოლოო ჯამში კი მხატვრული პროზის და რომანის სახე მიიღო“, - განაცხადა ზაზა გაბუნიამ წიგნის პრეზენტაციისას.

პარლამენტის ცნობით, რომანთან დაკავშირებით აზრი გამოთქვა ცნობილმა ლიტერატურულმა კრიტიკოსმა და მწერალმა, როსტომ ჩხეიძემ „მარჯვედ მოძებნილი ფორმა, კარგად გააზრებული და მტკიცედ შეკრული კომპოზიციური ქარგა, გამოკვეთილი ხასიათები, დინამიური, მძაფრი სიუჟეტი, იდუმალებითაც განმსჭვალული და ღრმად გააზრებული და მახვილგონივრული ფინალით დაგვირგვინებული“ ასე დაახასიათა მან მწერლის ნაშრომი. მისი თქმით, რომანი - “მონოლოგი სარწეველა სკამიდან” არის წარმატებული დებიუტი რომანისტიკაში.

„რომანის შესახებ საკუთარი მოსაზრებები გამოთქვეს მწერლებმა ნინო სადღობელაშვილმა, ზვიად კვარაცხელიამ და გურამ მეგრელიშვილმა“, - ნათქვამია ინფორმაციაში.

ანდრო გოცირიძე - პოლიტიკური სარგებლის მიღების მიზნით, მმართველი პარტია არ ერიდება მოსახლეობის დაპირისპირებას, პოლარიზაციის გაღვივებას და აღვირახსნილ ანტიდასავლურ კამპანიასაც კი
მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
აკადემიკოსი გიორგი ჯაფარიძე - ქვეყანა რომ წარმოდგენილი იყოს მსოფლიოს სამეცნიერო რუკაზე, აუცილებელია მასში მცხოვრები მეცნიერები თავისი საქმიანობით მონაწილეობდნენ საერთაშორისო სამეცნიერო პროცესში
ქართული პრესის მიმოხილვა 28.03.2024
„გავერთიანდეთ ჩვენი გმირებისთვის“ - სილქნეტი დაჭრილ მებრძოლთა თანადგომის ფონდის საქმიანობის ანგარიშს აქვეყნებს
საქართველოს უნივერსიტეტი -  iOS LAB Apple ავტორიზებული სასწავლო ცენტრი
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს