ჰონგ-კონგი კარანტინის ცენტრებს ამზადებს, სადაც ახალი კორონავირუსით დაავადებული ადამიანების ახლობლების იზოლირება იქნება შესაძლებელი. CNN-ის ცნობით, ცენტრებში საჭიროების შემთხვევაში ის ადამიანები განთავსდებიან, რომელთაც დაავადებულებთან ახლო კონტაქტი ჰქონდათ. აღსანიშნავია, რომ ჯერჯერობით ქალაქში კორონავირუსის შემთხვევა არ დაფიქსირებულა.
ჰონგ-კონგის კვებისა და ჯანმრთელობის ბიუროში აცხადებენ, რომ ამ დროისთვის ორი ცენტრის მომზადება მოხდა, რომელთა გააქტიურებაც საჭიროების შემთხვევაში რამდენიმე საათში მოხდება.
ჰონგ-კონგმა მსგავსი საკარანტინო ბანაკები 2003 წელს, მწვავე რესპირატორული ვირუსის გავრცელების დროსაც მოაწყო.
ცნობისთვის, ახალი კორონავირუსი ჩინეთში, გასული წლის დეკემბერში დაფიქსირდა. ამ დროისთვის ვირუსის 450-მდე დადასტურებული შემთხვევა ფიქსირდება. გარდაცვლილია 9 ადამიანი.