დიმიტრი ხუნდაძე - პარლამენტში მოიძებნება 100 დეპუტატი, რომელიც მხარს დაუჭერს ცვლილებებს და ჩაკეტავს რისკებს, რომელიც  ქვეყნის წინაშე დგას პროპორციული სისტემის გამო

იმედი მაქვს, პარლამენტში მოიძებნება 100 დეპუტატი, რომელიც მხარს დაუჭერს საკონსტიტუციო ცვლილებებს და ჩაკეტავს რისკებს, რომელიც დგას ქვეყნის წინაშე პროპორციული საარჩევნო სისტემის გამო, - ამის შესახებ ჯანდაცვის კომიტეტის თავმჯდომარემ დიმიტრი ხუნდაძემ განაცხადა.

ის არ აკონკრეტებს თუ ვინ შეიძლება შეავსოს უმრავლესობის დეპუტატთა ოდენობა 100-მდე, მაგრამ აცხადებს, რომ შესაძლოა საკონსტიტუციო ცვლილებების მხარდამჭერთა რიცხვი უმრავლესობის რიგებს გასცდეს და ოპოზიციურ სპექტრშიც გადავიდეს.

„დღეს ვხედავთ, რომ ჩვენი თანამოაზრეების რიცხვი თანდათან იზრდება. ხედავთ პოლიტიკური სპექტრი არის დესტრუქციული, ისინი არ ტოვებენ ქუჩას და მათი მიზანია იოლი გზით შევიდნენ პარლამენტში. თქვენ წარმოგიდგენიათ ეს პოლიტიკური სპექტრი პარლამენტში შემოსული, რომელთაც აქვთ იდეოლოგიური აზრთა სხვადასხვაობა, მათი ერთობლივი ჩამოყალიბებული კოალიციური მთავრობა როგორი იქნება? - ეს იქნება, რა თქმა უნდა, რყევადი, ისინი ვერ შეთანხმდებიან ვერაფერზე. ღმერთმა არ ქნას, მაგრამ მერე ნახეთ მათი ჟრიამული და ქვეყნის სტაბილურობა. პროპორციული საარჩევნო სისტემა ჩვენ მიერ მიღებული იყო კომპრომისულად, რაზეც მეც წავედი. იყო ჩემს გუნდში მოლოდინი რომ ეს გადაწყვეტილება დაამშვიდებდა ქუჩასა და ოპოზიციურ სპექტრს, მაგრამ მათ ქუჩა არ მიუტოვებიათ. ვფიქრობ, რომ დღეს და 2024 წელშიც ჩვენ უნდა გვქონდეს მინიმუმ შერეული სისტემა", - განაცხადა ხუნდაძემ.

მიისვე თქმით, მხარდამჭერ დეპუტატთა ვინაობას საზოგადოება მალე გაიგებს.

"მე მეგულება პარლამენტში ის დეპუტატები, რომლებიც არ არიან უმრავლესობაში, მაგრამ ისინი რეალურად შეაფასებენ სიტუაციას, რომ არ შეიძლება დესტრუქციულ ძალას ხელში ჩაუგდო ქვეყნის მართვის ბერკეტი და რომელთა ინტერესია ხელისუფლებაში დაბრუნება“, - განაცხადა ხუნდაძემ.

კორნელი კაკაჩია - ხელისუფლებამ უნდა შეძლოს ქვეყნის გადაყვანა დაპირისპირების რელსებიდან კონსტრუქციულობის ფორმატში, თუმცა ამის რესურსს მმართველ გუნდში ვერ ვხედავ
დიმიტრი შველიძე - რუსული ოკუპაციის 100 წლისთავზე მთავარია გვახსოვდეს - ყოფილი მეტროპოლია ფარული ჩარევით, მშვიდად უყურებს საქართველოში პოლიტიკური ბანაკების გაუთავებელ ომს
ქართული პრესის მიმოხილვა 25.02.2021
კომპანია "სილქნეტი" განცხადებას ავრცელებს
როგორ შეუძლიათ ბიზნესებს თანამშრომელთა სამუშაო საათები ავტომატურად აღრიცხონ?
ბაკურიანის მსოფლიო თასის ეტაპებისთვის რეგისტრაცია დასრულებულია
ჰააგის სისხლის სამართლის საერთაშორისო სასამართლოსთან არსებულმა დაზარალებულთა ნდობის ფონდმა საქართველოსთვის დახმარების პროგრამა დაამტკიცა
ლაბორატორია „მეგალაბში“ კორონავირუსის ე.წ. ბრიტანული შტამის დადგენაა შესაძლებელი