გეგმური სარეაბილიტაციო სამუშაოების გამო, „ენერგო-პრო ჯორჯიას“ აბონენტების ნაწილს ელექტროენერგიის მიწოდება შეეზღუდება. ამის შესახებ „ინტერპრესნიუსს“ „ენერგო-პრო ჯორჯიადან“ აცნობეს.
მათივე ცნობით, გამანაწილებელ ქსელში დაგეგმილი სარეაბილიტაციო სამუშაოების გამო, 23 იანვარს 12:00-დან 14:00 საათამდე ენერგომომარაგება დროებით შეეზღუდებათ აბონენტებს დუშეთის მუნიციპალიტეტის სოფლებში წითელსოფელი, აბანოსხევი, საკრამული, ბულაჩაური, ლაშარის ჯვარი, ბოდორნა, ყარსიმაანი და მიმდებარე სოფლებს.
13:10 საათიდან 14:10 საათამდე დენი შეუწყდება დუშეთში რუსთაველის, ფარნავაზის, ბუხაიძის, არაგვისპირელის, ერისთავის, მ. კოსტავას და მიმდებარე ქუჩებს, სოფლებს კობიაანთკარი, სულიკიანთკარი, შალიკიანთკარი, მთვარელიანი.
„ენერგო-პრო ჯორჯიას“ ინფორმაციით, სარეაბილიტაციო სამუშაოების დასრულებისთანავე ელექტროენერგიის მიწოდება ჩვეულ რეჟიმში აღდგება.