საქართველოს პრემიერ-მინისტრ გიორგი გახარიასთან დავოსში გამართულ შეხვედრას ხორვატიის პრემიერი ანდრეი პლენკოვიჩი სოციალურ ქსელ "ტვიტერში" საკუთარ გვერდზე ეხმაურება. ამის შესახებ „ინტერპრესნიუსს“ საქართველოს პრემიერ-მინისტრის პრესსამსახურიდან აცნობეს.
"საქართველოს პრემიერს ვესაუბრე პოლიტიკურ და სახელმწიფოებრივ თანამშრომლობაზე საქართველოსა და ხორვატიას შორის, ევროკავშირის საბჭოში ხორვატიის პრეზიდენტობის პრიორიტეტებზე და აღმოსავლეთ პარტნიორობის უმაღლესი დონის შეხვედრის მიზნებზე, რომელიც ივნისში ბრიუსელში გაიმართება", - წერს ანდრეი პლენკოვიჩი "ტვიტერის" ოფიციალურ გვერდზე.