პარლამენტის სტაჟიორებმა პროექტი „ინკუნაბულა“ განახორციელეს

პარლამენტის სტაჟიორებმა 6-თვიანი სტაჟირების პროგრამის ფარგლებში სოციალური პროექტი - „ინკუნაბულა“ შეიმუშავეს, რომლის მიზანია საქართველოს სხვადასხვა სოფლის საჯარო სკოლის მოსწავლეებისთვის სრულფასოვანი განათლების მიღებაში ხელშეწყობა და თანამედროვე საკითხავი ლიტერატურითა და კომპიუტერული ტექნიკით სკოლების ბიბლიოთეკების უზრუნველყოფა - ამის შესახებ „ინტერპრესნიუსს“ საქართველოს პარლამენტიდან აცნობეს.

მათივე ინფორმაციით, პროექტი შეესაბამება საქართველოს პარლამენტის საშემოდგომო სესიის 10 მთავარი გამოწვევიდან ერთ-ერთ პუნქტს - „ბავშვთა უფლებები“, რომელიც პარლამენტის თავმჯდომარის, არჩილ თალაკვაძის მიერ იქნა წარდგენილი 2019 წლის სექტემბერში.

22 იანვარს პარლამენტის სასწავლო ცენტრისა და პარლამენტის ეროვნული ბიბლიოთეკის ორგანიზებით, გორის მუნიციპალიტეტის ე.წ საზღვრისპირა სოფლების - შავშვების და არბოს სკოლებს ბიბლიოთეკებს პარლამენტის სტაჟიორებმა და ეროვნული ბიბლიოთეკის დირექტორმა, გიორგი კეკელიძემ 500-მდე წიგნი, 2 პერსონალური კომპიუტერი და 2 პრინტერი გადასცეს.

უწყების ინფორმაციით, პროექტი განხორციელდა საქართველოს პარლამენტის ხელშეწყობით. აღნიშნული პროექტი მომავალშიც გაგრძელდება და მოიცავს სხვადასხვა რეგიონის საჯარო სკოლებს.

კორნელი კაკაჩია - ხელისუფლებამ უნდა შეძლოს ქვეყნის გადაყვანა დაპირისპირების რელსებიდან კონსტრუქციულობის ფორმატში, თუმცა ამის რესურსს მმართველ გუნდში ვერ ვხედავ
დიმიტრი შველიძე - რუსული ოკუპაციის 100 წლისთავზე მთავარია გვახსოვდეს - ყოფილი მეტროპოლია ფარული ჩარევით, მშვიდად უყურებს საქართველოში პოლიტიკური ბანაკების გაუთავებელ ომს
ქართული პრესის მიმოხილვა 25.02.2021
კომპანია "სილქნეტი" განცხადებას ავრცელებს
როგორ შეუძლიათ ბიზნესებს თანამშრომელთა სამუშაო საათები ავტომატურად აღრიცხონ?
ბაკურიანის მსოფლიო თასის ეტაპებისთვის რეგისტრაცია დასრულებულია
ჰააგის სისხლის სამართლის საერთაშორისო სასამართლოსთან არსებულმა დაზარალებულთა ნდობის ფონდმა საქართველოსთვის დახმარების პროგრამა დაამტკიცა
ლაბორატორია „მეგალაბში“ კორონავირუსის ე.წ. ბრიტანული შტამის დადგენაა შესაძლებელი