საქართველოს ენერგეტიკული სიმძლავრეებისა და ექსპორტის პოტენციალის შეფასების დეტალური დოკუმენტი, შესაძლოა, Siemens Energy-სთან პარტნიორობით შეიქმნას

საქართველოს ენერგეტიკული სიმძლავრეებისა და ექსპორტის პოტენციალის შეფასების დეტალური დოკუმენტი, რომელიც სატრანსპორტო და სატრანზიტო ასპექტებს სრულად დაფარავს, შესაძლოა, გერმანულ კონგლომერატ Siemens Energy-სთან პარტნიორობით შეიქმნას, - ამის შესახებ საქართველოს პრემიერ-მინისტრ გიორგი გახარიას და Siemens Energy-ის აღმასრულებელი დირექტორისა და Siemens AG-ის მმართველი ბორდის წევრის მაიკლ სენის შეხვედრაზე აღინიშნა, რომელიც დავოსის მსოფლიო ეკონომიკური ფორუმის ფარგლებში გაიმართა.

საუბრისას ხაზი გაესვა საქართველოს სტრატეგიულ ადგილმდებარეობას და ხელსაყრელ საინვესტიციო გარემოს, ასევე - ქვეყნის მოწინავე პოზიციებს ავტორიტეტულ საერთაშორისო რეიტინგებში.

მთავრობის მეთაურმა Siemens Energy-ის წარმომადგენლები ქვეყანაში არსებული საინვესტიციო გარემოს და წარმოების შესაძლებლობების გასაცნობად საქართველოში მიიწვია.

“საქართველოს მეტად სტრატეგიული ადგილმდებარეობა გააჩნია რეგიონში მეზობელ ქვეყნებთან მიმართებით. ვისაუბრეთ იმაზე, როგორ შეიძლება ქვეყნის ელექტროფიკაციის რუკის შექმნა ისე, რომ მან სრულყოფილად მოიცვას ძალიან მნიშვნელოვანი სატრანსპორტო და სატრანზიტო ასპექტები. ყველაფერი პირველი ნაბიჯიდან იწყება და ბუნებრივია „სიმენსს“ სურს ამ მიმართულებით იყოს ქვეყნის პარტნიორი ამ ძალისხმევებისა და ინიციატივების კონტექსტში”,- აღნიშნა Siemens Energy-ის აღმასრულებელმა დირექტორმა მაიკლ სენმა.

გერმანული მულტინაციონალური კონგლომერატი Siemens AG-ის ძირითადი მიმართულებებია ინდუსტრია, ენერგეტიკა, ჯანდაცვა და ინფრასტრუქტურა. კომპანიას, რომლის წლიური შემოსავალი 27 მილიარდი ევროა, დასაქმებული ჰყავს 88 ათასი ადამიანი.

მარკო მიკელსონი - საქართველომ ყურადღების მოსაპოვებლად უნდა იბრძოლოს - პატარა ქვეყნები იმაზე დიდები უნდა ვიყოთ, ვიდრე ფიზიკურად ვართ
ქართული პრესის მიმოხილვა 26.02.2020
ირაკლი მელაშვილი - ვფიქრობ, საარჩევნო სისტემასთან დაკავშირებით არსებულ  ფონზე ხელისუფლებას გაუჭირდება ოპოზიციისთვის მოლაპარაკებების ჩაშლის გადაბრალება
როგორ დავაჩქაროთ მდგრადი განვითარების მიზნების განხორციელება აზიასა და წყნარ ოკეანეთში
BDO-მ ინფორმაციული უსაფრთხოების საერთაშორისო სტანდარტის ISO/IEC 27001 სერტიფიცირება გაიარა