ორხევის მოსახლეობამ კახეთის გზატკეცილი პროტესტის ნიშნად რამდენიმე წუთით გადაკეტა.ისინი ბაღის დახურვის მიზეზის დადგენას ითხოვენ.

"გზა გადავკეტეთ იმიტომ, რომ ველოდებით საბოლოო დასკვნას, რომლის პასუხიც 2 თვის განმავლობაში ვერ მივიღეთ. ყოველ მეორე დღეს მოვდივართ და გვეუბნებიან, რომ დღეს ახალი ექსპერტიზა ტარდება. არც ერთმა ექსპერტიზამ პასუხი არ დადო და გვაინტერესებს, რატომ?! უნდა გავიგოთ, საბოლოოდ არის საშიში, თუ არა ჩვენი ბავშვებისთვის ბაღში მიყვანა და თუ არ არის, მაშინ რატომ არ იწყება ბაღი. ვიდრე არ გვეტყვიან კონკრეტულ პასუხს, არ დავიშლებით", - განაცხადა ადგილობრივმა ქეთევან ხუბულურმა.

ადგილზე პარლამენტის დამოუკიდებელი დეპუტატი ეკა ბესელია იმყოფებოდა, რომელიც მოსახლეობის პრობლემას გაეცნო.