საქართველოს პრეზიდენტმა სალომე ზურაბიშვილმა ამერიკის შეერთებული შტატების ვიცე-პრეზიდენტს მაიკ პენსს იერუსალიმში, ჰოლოკოსტის მსოფლიო ფორუმზე, „საქართველოს მხარდამჭერი აქტის“ მიღებისათვის მადლობა გადაუხადა. ამის შესახებ ინფორმაციას პრეზიდენტის პრესსამსახური ავრცელებს.
მათივე ინფორმაციით, მაიკ პენსმა აღნიშნა, რომ ,,აშშ საქართველოს გვერდით დგას და იდგება მუდამ!"
დღეს იერუსალიმში ჰოლოკოსტის მეხუთე მსოფლიო ფორუმი გაიხსნა, რომელშიც 45 მსოფლიო ლიდერთან და სახელმწიფოს მეთაურთან ერთად, საქართველოს პრეზიდენტიც მონაწილეობდა.