აშშ-ის ხაზინის მდივანმა, სტივენ მნუჩინმა შვედი გარემოსდამცველი, გრეტა თიუნბერგი, დავოსში, მსოფლიო ეკონომიკური ფორუმის მიმდინარეობის დროს გააკრიტიკა და განაცხადა, რომ თავდაპირველად მან განათლება უნდა მიიღოს, რომ ასწავლოს მსოფლიო ლიდერებს, როგორ აწარმოონ პოლიტიკა.

„ის მთავარი ეკონომისტია თუ ვინ არის? დავიბენი“, - განაცხადა მნუჩინმა ჟურნალისტებთან საუბრისას.

„ჯერ წავიდეს და ისწავლოს ეკონომიკა კოლეჯში, მერე შეუძლია მოვიდეს და აგვიხსნას“,-დაძინა მდივანმა.

ცნობისთვის, გრეტა თიუნბერგმა დავოსში დამსწრე საზოგადოებას განუცხადა, რომ ლიდერებმა მთლიანად უნდა აკრძალონ წიაღისეული საწვავის გამოყენება და საწვავის აღმოჩენის სამუშაოებში ჩადებულ ინვესტიციებს „სიგიჟე“ უწოდა.