ისრაელის ელჩი - საქართველო ისრაელის მეგობარი ქვეყანაა და ვიმედოვნებთ, რომ ისრაელში ქართველების ლეგალურ დასაქმებაზე შეთანხმებას მივაღწევთ

საქართველოში ისრაელის ელჩი, რან გიდორი იმედს გამოთქვამს, რომ ქვეყნებს შორის ქართველების ისრაელში ლეგალურად დასაქმების საკითხზე შეთანხმების მიღწევა მოხერხდება.

როგორც საქართველოში ისრაელის ელჩმა „ინტერპრესნიუსთან“ საუბრისას აღნიშნა, ლეგალური დასაქმების საკითხი ერთ-ერთი პრიორიტეტულია საქართველოსა და ისრაელის ორმხრივ ურთიერთობებში.

„ახლა საქართველოს პრეზიდენტი, ქალბატონი სალომე ზურაბიშვილი ისრაელშია და ეს საკითხი ერთ-ერთია, რომელსაც ის ჩვენს ლიდერებთან განიხილავს. ორივე მხარე მუშაობს ამაზე. ჩვენს ქვეყნებს შორის არის უვიზო მიმოსვლის რეჟიმი, რაც ძალიან მნიშვნელოვანი ნაბიჯია, რათა მივაღწიოთ შეთანხმებას, რომელიც საქართველოს მოქალაქეებს საშუალებას მისცემს ისრაელში დასაქმდნენ. ამისთვის აქტიურად ვმუშაობთ“,-აცხადებს რან გიდორი.

კითხვაზე, რა სირთულეები უშლის ხელს ლეგალური დასაქმების საკითხზე შეთანხმების მიღწევას, ელჩი აღნიშნავს, რომ ისრაელი პატარა ქვეყანაა და საჭიროა დასაქმების მსურველთა კატეგორიზაცია.

„ჩვენ გვყავს უამრავი ადამიანი სხვადასხვა ქვეყნებიდან, ჩინეთიდან, ინდოეთიდან, რუსეთიდან, უკრაინიდან, საქართველოდან, აფრიკიდანაც კი, რომლებიც სამუშაოდ ჩამოდიან. ისრაელი ბევრად პატარაა საქართველოზე და ჩვენ არ შეგვიძლია ყველა მსურველის დასაქმება. შესაბამისად, უნდა მოვახდინოთ კატეგორიზაცია და პრიორიტეტების გამოყოფა. იმის გათვალისწინებით, რომ საქართველო ისრაელის მეგობარი ქვეყანაა, ვიმედოვნებთ, რომ მივაღწევთ შეთანხმებას ლეგალურ დასაქმებასთან დაკავშირებით,”-აღნიშნა ელჩმა.

მარკო მიკელსონი - საქართველომ ყურადღების მოსაპოვებლად უნდა იბრძოლოს - პატარა ქვეყნები იმაზე დიდები უნდა ვიყოთ, ვიდრე ფიზიკურად ვართ
ქართული პრესის მიმოხილვა 27.02.2020
ირაკლი მელაშვილი - ვფიქრობ, საარჩევნო სისტემასთან დაკავშირებით არსებულ  ფონზე ხელისუფლებას გაუჭირდება ოპოზიციისთვის მოლაპარაკებების ჩაშლის გადაბრალება
როგორ დავაჩქაროთ მდგრადი განვითარების მიზნების განხორციელება აზიასა და წყნარ ოკეანეთში
ადგილობრივი სასტუმროების ჯგუფური და ინდივიდუალური დაჯავშნის ონლაინ პლატფორმა HOTEL HUB GEORGIA ბაზარზე ოპერირებას ამიერიდან HOTEL HUB GROUP-ის სახელით გააგრძელებს
„ბადაგონს“ საუკეთესო ქართული ღვინის კომპანიის სტატუსი მიენიჭა
GM Pharma-ს („ჯი-ემ-პი“) ხარისხის ახალი ISO სერტიფიკატი გადაეცა
სამსუნგმა Galaxy S20 სერია წარადგინა
PSP პირველი ჩაერთო გაეროს განვითარების პროგრამის პროექტში „სოციალური დაცვის სისტემის გარდაქმნა შეზღუდული შესაძლებლობის მქონე პირებისთვის“
BDO-მ ინფორმაციული უსაფრთხოების საერთაშორისო სტანდარტის ISO/IEC 27001 სერტიფიცირება გაიარა