ლაშა ჩხარტიშვილი სახელმწიფო ინსპექტორის სამსახურში დაკითხვაზე მივიდა

ლეიბორისტული პარტიის წევრი ლაშა ჩხარტიშვილი სახელმწიფო ინსპექტორის სამსახურში დაკითხვაზე მივიდა. როგორც ჩხარტიშვილმა უწყებაში შესვლამდე ჟურნალისტებს განუცხადა, ის 3 იანვარს პარლამენტის მიმდებარე ტერიტორიაზე დაკავების საქმეზე დაიკითხება.

"სახელმწიფო ინსპექტორის სამსახურმა დაიწყო გამოძიება მოძალადე პოლიციელების წინააღმდეგ. საქმე ეხება მაღალჩინოსან გოგა მემანიშვილს, ლაშა ყაველაშვილს და იმ პირებს, რომლებმაც 3 იანვარს განახორციელეს ჩემზე თავდასხმა, უკანონოდ დამაკავეს და შემილახეს გადაადგილების, შეკრებისა და გამოხატვის თავისუფლება, რაც არის ჯამურად ხუთი სისხლის სამართლის დანაშაული. მე ბოლომდე არ ვარ დარწმუნებული, რომ ბიძინა ივანიშვილის რეჟიმის პირობებში თუნდაც ეს ორგანო ამ საქმეს მიიყვანს ლოგიკურ დასასრულამდე და ამ ადამიანებს დასჯიან, მაგრამ კარგია თუკი, პოლიციელების ნაწილი, სახელმწიფო უწყების წარმომადგენლები, მოსამართლეები აღარ ემორჩილება რეჟიმს და არ უნდათ მოხვდნენ 20 ივნისის სიაში",- განაცხადა ლაშა ჩხარტიშვილმა.

შეგახსენებთ, რომ ლაშა ჩხარტიშვილი 3 იანვარს პარლამენტის მიმდებარე ტერიტორიაზე გამართულ აქციაზე დააკავეს. პოლიცია ჩხარტიშვილს ადმინისტრაციული სამართალდარღვევათა კოდექსის 173-ე და 166-ე მუხლების დარღვევაში ადანაშაულებს, რაც ხულიგნობას და პოლიციისთვის დაუმორჩილებლობას გულისხმობს.

მარკო მიკელსონი - საქართველომ ყურადღების მოსაპოვებლად უნდა იბრძოლოს - პატარა ქვეყნები იმაზე დიდები უნდა ვიყოთ, ვიდრე ფიზიკურად ვართ
ქართული პრესის მიმოხილვა 25.02.2020
ირაკლი მელაშვილი - ვფიქრობ, საარჩევნო სისტემასთან დაკავშირებით არსებულ  ფონზე ხელისუფლებას გაუჭირდება ოპოზიციისთვის მოლაპარაკებების ჩაშლის გადაბრალება
როგორ დავაჩქაროთ მდგრადი განვითარების მიზნების განხორციელება აზიასა და წყნარ ოკეანეთში
BDO-მ ინფორმაციული უსაფრთხოების საერთაშორისო სტანდარტის ISO/IEC 27001 სერტიფიცირება გაიარა