მიხეილ კალანდიას პროცესზე ორი მოწმის, მათ შორის მირზა სუბელიანის წერილობითი ჩვენებები უდავოდ ცნეს

თბილისის საქალაქო სასამართლოში ხორავას ქუჩაზე დავით სარალიძის განზრახ ჯგუფურად მკვლელობაში ბრალდებული მიხეილ კალანდიას პროცესზე ორი მოწმის, მათ შორის მირზა სუბელიანის წერილობითი ჩვენებები უდავოდ ცნეს.

როგორც სხდომის დასრულების შემდეგ ჟურნალისტებს პროკურორმა, მირიან მეგრელიშვილმა განუმარტა, ეს ნიშნავს, რომ ამ მოწმეების წერილობითი ჩვენებები ბრალდებისა და დაცვის მხარეებმა საკმარისად მიიჩნიეს, შესაბამისად, მათი სასამართლოში გამოცხადება საჭირო აღარ არის. მისივე განმარტებით, დღემდე ჯამში 20-მდე მოწმის ჩვენებების უდავოდ ცნობა მოხდა.

„ჯამში დაახლოებით 20-მდე მოწმის ჩვენების უდავოდ ცნობა მოხდა პროცესის დაწყებიდან დღემდე. საქმე იმაშია, რომ წარმოდგენილია მოწმეთა ჩვენებები და თუკი ბრალდებისა და დაცვის მხარეები ერთობლივად განაცხადებენ, რომ რაც წერილობით გამოკითხვით ოქმში წერია, დამატებითი კითხვები ამ მოწმესთან არ აქვთ, ეს ჩვენებები მიჩნეულ იქნება უდავო მტკიცებულებად. ვთანხმდებით, რომ საკმარისია ის ინფორმაცია, რაც წერილობით ოქმში წერია. მათ შორის არის მირზა სუბელიანი", - განაცხადა პროკურორმა.

მისივე თქმით, მომდევნო სასამართლო სხდომა კვლავ ბრალდების მხარის მტკიცებულებების გამოკვლევით განახლდება.

„დღევანდელ პროცესზე დაიკითხა ერთი მოწმე, ექსპერტი, ტრანსოლოგი, რომელსაც ჰქონდა ტრანსოლოგიური ექსერტიზა ჩატარებული იმ დაზიანებებზე, რა დაზიანებებიც არსებობდა როგორც გარდაცვლილების, ასევე კონფლიქტის სხვა მონაწილეების, მათ შორის ბრალდებულის ტანსაცმელზე. ექსპერტმა ისაუბრა ამ დაზიანებებთან დაკავშირებით და გასცა პასუხი როგორც ბრალდების, ასევე დაცვის მხარის კითხვებს. ასევე გამოკვეული იქნა წერილობითი მტკიცებულებების სამი ტომი. მომდევნო პროცესი გაგრძელდება კვლავ ბრალდების მხარის მტკიცებულებების გამოკველივით", - აღნიშნა პროკურორმა.

საქმეზე მორიგი სასამართლო სხდომა 28 იანვარს, 12:00 საათზე გაიმართება.

კახა გოგოლაშვილი - ევროკავშირის მედიაცია გახდა ინსტრუმენტი, რომელიც არ არის ერთჯერადი, სანამ კრიზისი არ მოგვარდება, ევროკავშირი ამ პროცესში ჩართული იქნება
ქართული პრესის მიმოხილვა 01.03.2021
ქართული კონსტიტუციის 100 წლისთავთან დაკავშირებით კავკასიის საერთაშორისო უნივერსიტეტი სამეცნიერო კრებულს ამზადებს
ევროპის გუნდი: ლიბერთი ბანკისთვის უზრუნველყოფილი დამატებითი დახმარებით, COVID-19-ის კრიზისის დასაძლევად  ევროპის საინვესტიციო ბანკის მიერ მიკრო, მცირე და საშუალო საწარმოების მხარდაჭერა ახალ ეტაპზე გადადის
"მაგნიტის" ყოველდღიური 20%-იანი აქცია უფრო მრავალფეროვანი ხდება
სამომხმარებლო სესხი 3-თვიანი სრული საშეღავათო პერიოდით - ტერაბანკის ახალი აქცია
ბაკურიანში საერთაშორისო სათხილამურო ფედერაციის ეგიდით მსოფლიო თასის ეტაპი სკი კროსში დასრულდა