ლევან ხაბეიშვილი - ფარჩაკები ხართ, 10 კაცი რომ დამესიეთ - დედაქალაქის მერს ხაბეიშვილი აწუხებს და საკუთარ თანაგუნდელებს  უთხრა, 20-30 ხართ და ჩაქოლეთ!

რამდენჯერაც შოუს დადგამ, იმდენჯერ შესაბამის პასუხს მიიღებ, - ამ სიტყვებით მიმართა საკრებულოს დეპუტატმა ავთანდილ ცინცაძემ "ნაციონალური მოძრაობის" წევრს ლევან ხაბეიშვილს საკრებულოს შენობაში, მას შემდეგ , რაც საკრებულოს სხდომაზე ფიზიკური დაპირისპირება მოხდა.

ლევან ხაბეიშვილმა ავთანდილ ცინცაძეს მასთან მარტო მისვლისკენ მოუწოდა და „ქართული ოცნების“ დეპუტატები „ფარჩაკებად“ მოიხსენია.

„მარტო მოდი , ათი, რომ დამესიეთ. გგონიათ მაგით შემაშინებთ და შენ მაგარი ბიჭი ხარ? რა დაგავალეს ბიჭო ამისთანა. ჩამოდი ქვემოთ, ხელი ხომ დამარტყი? ჩამოდი. ფარჩაკები ხართ, 10 კაცი რომ დამესევით, ფარჩაკები ხართ აბა რა ხართ?“- მიმართა ხაბეიშვილმა ავთანდილ ცინცაძეს.

როგორც ხაბეიშვილმა მედიის წარმომადგენლებთან განაცხადა, დაპირისპირების მიზეზი ის იყო, რომ დამლაგებელს გამოესარჩლა, რომელსაც 8 ლარს აძლევენ.

„როგორ გამოვესარჩლე დამლაგებელს, რომელსაც 8 ლარს აძლევენ და თვითონ რომ ვერ გაძღნენ, ამის გამო მოხდა ჩხუბი. თავიდანვე დაგეგმილი იყო ეს, მაქსიმალურად ვცდილობდი არ შევსულიყავი ფიზიკურ დაპირისპირებაში, მაგრამ რა დავალებაც ჰქონდათ, აწუხებს დედაქალაქის მერს ხაბეიშვილი და უთხრა , რომ 20-30 ხართ და ჩაქოლეთ,“-განაცხადა ხაბეიშვილმა.

ავთანდილ ცინცაძე კი განმარტავს, რომ დაპირისპირების მიზეზი ხაბეიშვილის მიერ პირადი შეურაცხყოფის მიყენება იყო.

შეგახსენებთ, დღეს თბილისის საკრებულოს "ქართული ოცნების" დეპუტატებსა და "ნაციონალური მოძრაობის" წევრ ლევან ხაბეიშვილს შორის ფიზიკური დაპირისპირება მოხდა.

დაპირისპირება გაერთიანებული კომისიის სხდომაზე მოხდა და მასში დეპუტატები: ავთანდილ ცინცაძე, ირაკლი ზარქუა, გიორგი ჩაკვეტაძე და ალექსანდრე ხუჯაძე მონაწილეობდნენ.

ხაბეიშვილს დაზიანებები თვალის არეში აღენიშნება.

იხილეთ ვიდეო

კახა გოგოლაშვილი - ევროკავშირის მედიაცია გახდა ინსტრუმენტი, რომელიც არ არის ერთჯერადი, სანამ კრიზისი არ მოგვარდება, ევროკავშირი ამ პროცესში ჩართული იქნება
ქართული პრესის მიმოხილვა 01.03.2021
ქართული კონსტიტუციის 100 წლისთავთან დაკავშირებით კავკასიის საერთაშორისო უნივერსიტეტი სამეცნიერო კრებულს ამზადებს
ევროპის გუნდი: ლიბერთი ბანკისთვის უზრუნველყოფილი დამატებითი დახმარებით, COVID-19-ის კრიზისის დასაძლევად  ევროპის საინვესტიციო ბანკის მიერ მიკრო, მცირე და საშუალო საწარმოების მხარდაჭერა ახალ ეტაპზე გადადის
"მაგნიტის" ყოველდღიური 20%-იანი აქცია უფრო მრავალფეროვანი ხდება
სამომხმარებლო სესხი 3-თვიანი სრული საშეღავათო პერიოდით - ტერაბანკის ახალი აქცია
ბაკურიანში საერთაშორისო სათხილამურო ფედერაციის ეგიდით მსოფლიო თასის ეტაპი სკი კროსში დასრულდა