საკრებულოს დაცვის სამსახურმა შენობაში გადაადგილება გაამკაცრა
საკრებულოს შენობის ის შესასვლელები, რომლითაც დეპუტატები, საკრებულოს თანამშრომლები და მედიის წარმომადგენლები სარგებლობენ, ჩაკეტილია.
როგორც "ინტერპრესნიუსს" დაცვის თანამშრომლებმა უთხრეს, იმ შემთხვევაში, თუ მედიის წარმომადგენლები დატოვებდნენ შენობას, მათ შენობაში უკან დაბრუნების შესაძლებლობა აღარ ექნებათ.
საკრებულოს დაცვის თანამშრომლებმა ზომები მას შემდეგ გაამკაცრეს, რაც შენობაში შემოსვლას "ნაციონალური მოძრაობის" წევრები ცდილობდნენ. ისინი საკრებულოს შენობის მთავარი შესასვლელის წინ დგანან.
როგორც "ნაციონალური მოძრაობის" წევრი ლილე ლიპარტელიანი აცხადებს, მისი პარტიის წევრებზე საშვებია დაშვებული, თუმცა ამის მიუხედავად მათ შენობაში მაინც არ უშვებენ.
