გიორგი ვაშაძე ლევან ხაბეიშვილის ცემის ფაქტზე - ესაა ვენდეტა ადამიანზე, რომელიც ყოველდღიურად ამხელს მათ

ესაა ვენდეტა ადამიანზე, რომელიც ყოველდღიურად ამხელს მათ, - ასე აფასებს „ახალი საქართველოს“ ლიდერი გიორგი ვაშაძე საკრებულოში „ნაციონალური მოძრაობის“ წევრის ლევან ხაბეიშვილის ცემის ფაქტს.

როგორც ვაშაძემ ჟურნალისტებს საკითხთან დაკავშირებით განუცხადა, კახა კალაძის თაოსნობით, „იმდენად კორუფციაში ჩაერთო საკრებულოც, თბილისის მერიაც, რომ სხვა გზა არ დარჩათ, ფიზიკურად გაუსწორდნენ ადამიანს, რომელიც ფაქტებით აჩვენებს საზოგადოებას როგორ პარავენ ხალხს ფულს“.

„ისინი, მათი ნათესავები მდიდრდებიან, ხალხი ყოველდღე ღარიბდება. თითქოს ჰგონიათ, რომ გააჩუმებენ, ლევან ხაბეიშვილს დღეს თავს დაესხნენ. ჩვენი პასუხი იქნება მშვიდობიანი პროტესტი. ჩემი აზრით, „ქართულმა ოცნებამ“ ასე თუ გააგრძელა, არჩევნებში 5%-ზე მეტს ვერ აიღებს, რომ ბარიერი გადალახოს და შემოვიდეს პარლამენტში. ამ აგრესიას არ ავყვებით და მშვიდობიანი, არაძალადობრივი პროტესტით ვუპასუხებთ“, - აღნიშნა ვაშაძემ.

შეგახსენებთ, დღეს თბილისის საკრებულოს „ქართული ოცნების" დეპუტატებსა და „ნაციონალური მოძრაობის" წევრ ლევან ხაბეიშვილს შორის ფიზიკური დაპირისპირება მოხდა. დაპირისპირება გაერთიანებული კომისიის სხდომაზე მოხდა და მასში დეპუტატები: ავთანდილ ცინცაძე, ირაკლი ზარქუა, გიორგი ჩაკვეტაძე და ალექსანდრე ხუჯაძე მონაწილეობდნენ. ხაბეიშვილს დაზიანებები თვალის არეში აღენიშნება.

ლევან დოლიძე - სირიაში მოვლენების განვითარება დამოკიდებულია იქნება იმაზე, რამდენად კოორდინირებულად იმოქმედებს ნატო, აშშ და თურქეთი, თუმცა, საქართველოში სირიიდან მიგრანტების დიდ ნაკადს არ ველი
ქართული პრესის მიმოხილვა 29.02.2020
ირაკლი მელაშვილი - ვფიქრობ, საარჩევნო სისტემასთან დაკავშირებით არსებულ  ფონზე ხელისუფლებას გაუჭირდება ოპოზიციისთვის მოლაპარაკებების ჩაშლის გადაბრალება
კორონავირუსის გავლენა ეკონომიკაზე  -  1.1 ტრილიონიანი დანაკარგი
ყველა ბიზნეს პროცესის ავტომატიზაცია - Nova-სა და BDO-ს პარტნიორობა
აღნიშნეთ დედის დღე სასტუმრო „ქორთიარდ მარიოტში“ (R)