ნინო ლომჯარია ლევან იზორიას ძმის კადრებზე - ადგილი აქვს პოლიციელთა მხრიდან გარკვეულ სავარაუდო გადაცდომებს ან პოლიციელთა მისამართით ჩადენილ უკანონობებს

ჩვენ ვსწავლობდით შრომით ურთიერთობაში დისკრიმინაციის საკითხს, ჩვენთვის არ ყოფილა ცნობილი ვიდეომასალის არსებობის თაობაზე, ვფიქრობ, გუშინ გავრცელებული მასალა დამატებითი ძალიან მნიშვნელოვანი მტკიცებულებაა“ , - ამის შესახებ საქართველოს სახალხო დამცველმა, ნინო ლომჯარიამ განაცხადა.

მან უპასუხა კითხვას, იყო თუ არა სახალხო დამცველის აპარატი საქმის კურსში ლევან იზორიას ძმასა და პოლიციის თანამშრომელს შორის მომხდარი ფაქტის შესახებ.

„აღნიშნულმა პირმა (გიორგი დვალიშვილმა)მომართა საქართველოს სახალხო დამცველის აპარატს, თუმცა ჩვენ ვსწავლობდით შრომით ურთიერთობაში დისკრიმინაციის საკითხს, ჩვენთვის არ ყოფილა ცნობილი ვიდეომასალის არსებობის თაობაზე, ეს ინფორმაცია სახალხო დამცველის აპარატისთვის არ იყო მოწოდებული. ჩვენც ეს მასალები ვნახეთ გუშინ მედიის საშუალებით, შესაბამისად, ამ ვიდეომასალას რა თქმა უნდა, დავურთავთ იმ მიმდინარე საქმეს, რასაც ვსწავლობთ და განვიხილავთ შესაბამისად, საქმეს ამ ჭრილში, რაც ვნახეთ ამ კადრებში. ეს საქმე არის შესწავლის პროცესში, არ დასრულებულა. მე ვფიქრობ, რომ გუშინ გავრცელებული მასალა არის დამატებითი ძალიან მნიშვნელოვანი მტკიცებულება და ალბათ, გარკვეულწილად შეიძლება, საქმეც სხვაგვარად წარიმართოს ჩვენი მხრიდან, რადგან დღესდღეობით თანასწორობის დეპარტამენტი სწავლობს ამ საქმეს, თუმცა, სავარაუდოდ, ამ საქმეში ასევე სისხლის სამართლის მართლმსაჯულების დეპარტამენტიც ჩაერთვება, რადგან, აქ უკვე ადგილი აქვს პოლიციელთა მხრიდან გარკვეულ სავარაუდო გადაცდომებს ან პოლიციელთა მისამართით ჩადენილ უკანონობებს“, - აღნიშნა ნინო ლომჯარიამ.

ცნობისთვის, 23 იანვარს „მთავარის“ მიერ გავრცელებულ ვიდეოში ჩანს, რომ პოლიციამ ლევან იზორიას ძმა დააკავა, თუმცა, გარკვეული პირების ჩარევის შემდეგ ის გაათავისუფლა. ვიდეო 2014 წლით თარიღდება. მაშინ იზორია საქართველოს შინაგან საქმეთა მინისტრის მოადგილე იყო. სიუჟეტში პოლიციის მაიორი, გიორგი დვალიშვილი, რომელმაც ვახო (კიტა) იზორია დააკავა, მომხდარის შემდეგ დაწყებულ დევნაზე საუბრობს.

მარკო მიკელსონი - საქართველომ ყურადღების მოსაპოვებლად უნდა იბრძოლოს - პატარა ქვეყნები იმაზე დიდები უნდა ვიყოთ, ვიდრე ფიზიკურად ვართ
ქართული პრესის მიმოხილვა 27.02.2020
ირაკლი მელაშვილი - ვფიქრობ, საარჩევნო სისტემასთან დაკავშირებით არსებულ  ფონზე ხელისუფლებას გაუჭირდება ოპოზიციისთვის მოლაპარაკებების ჩაშლის გადაბრალება
როგორ დავაჩქაროთ მდგრადი განვითარების მიზნების განხორციელება აზიასა და წყნარ ოკეანეთში
სასიამოვნო სიურპრიზი „ტოიოტასგან“ საავტომობილო რბოლის მოყვარულთათვის
ადგილობრივი სასტუმროების ჯგუფური და ინდივიდუალური დაჯავშნის ონლაინ პლატფორმა HOTEL HUB GEORGIA ბაზარზე ოპერირებას ამიერიდან HOTEL HUB GROUP-ის სახელით გააგრძელებს
„ბადაგონს“ საუკეთესო ქართული ღვინის კომპანიის სტატუსი მიენიჭა
GM Pharma-ს („ჯი-ემ-პი“) ხარისხის ახალი ISO სერტიფიკატი გადაეცა
სამსუნგმა Galaxy S20 სერია წარადგინა
PSP პირველი ჩაერთო გაეროს განვითარების პროგრამის პროექტში „სოციალური დაცვის სისტემის გარდაქმნა შეზღუდული შესაძლებლობის მქონე პირებისთვის“