ქეთევან ციხელაშვილი - უპირობოდ და სრულად უნდა გაიხსნას ე.წ გადასასვლელი პუნქტი და გადაადგილების თავისუფლება უნდა იყოს შეუზღუდავი

უპირობოდ და სრულად უნდა გაიხსნას ე.წ გადასასვლელი პუნქტი და გადაადგილების თავისუფლება უნდა იყოს შეუზღუდავი, - ამის შესახებ შერიგებისა და სამოქალაქო საკითხებში სახელმწიფო მინისტრმა, ქეთევან ციხელაშვილმა, ახალგორის ე.წ გადასასვლელი პუნქტთან არსებულ ვითარებაზე საუბრისას განაცხადა.

მისი შეფასებით, კარგია, რომ კონკრეტულ ადამიანებს აქვთ კონტროლირებად ტერიტორიაზე გადაადგილების საშუალება, თუმცა, მისივე თქმით, აუცილებელია, რომ ამის შესაძლებლობა ყველა მსურველს ჰქონდეს.

„ბრიუსელში ჩემი ვიზიტი, საჯარო გამოსვლების თუ დახურული შეხვედრების უმთავრესი თემა გახლდათ ახალგორის მიმართულებით შექმნილი მდგომარეობა, გადასასვლელის გახსნის აუცილებლობა. დღეს არის გარკვეული მოძრაობა, ადამიანები არიან მოლოდინში იმისა, რომ ექნებათ გადაადგილების შესაძლებლობა. ძირითადად, პენსიონერებზე ვსაუბრობთ, რომელთაც ოჯახების ნაწილი ჰყავთ იძულებით გადაადგილებულ პირთა დასახლებაში, წეროვანში.

ბუნებრივია, ეს არ არის ის შედეგი, რომელიც უნდა დადგეს აუცილებლად, რომ უპირობოდ და სრულად გაიხსნას ე.წ გადასასვლელი პუნქტი და იყოს გადაადგილების თავისუფლება შეუზღუდავი. ასეთი ზომაც კი, თქვენ წარმოიდგინეთ, არის უდიდესი შეღავათი ხალხისთვის, იმიტომ, რომ ისინი უკვე 5 თვის განმავლობაში არიან ჩაკეტილი, ფაქტობრივ ტყვეობაში, მავთულხლართებს მიღმა, რაც სასიცოცხლოდ მნიშვნელოვან ინტერესებს უქმნის საფრთხეს. რა თქმა უნდა, არის კარგი, რომ ამ კონკრეტულ ადამიანებს აქვთ გადაადგილების საშუალება. აუცილებელი იქნება, რომ ყველა მსურველს ჰქონდეს გადაადგილების შესაძლებლობა და რა თქმა უნდა, შემდგომ აღარანაირი დაბრკოლება იმისა, რომ იმოძრაონ, დაუბრუნდნენ საკუთარ სახლებს, გადმოკვეთონ და ა.შ.

დღეს ვესაუბრე ჟენევის თანათავმჯდომარეებს, კერძოდ, ევროკავშირის სპეციალურ წარმომადგენელს და მის გუნდს. ჩვენი საუბრის ერთ-ერთი საკითხი, სწორედ ახალგორის მიმართულებით შექმნილი ჰუმანიტარული კრიზისი გახლდათ და ისინი, ისევე როგორც სხვა ჩვენი პარტნიორები გაეროდან და ეუთო-დან, არიან მაქსიმალურად ჩართული იმაში, რომ სწორედ გადაადგილების თავისუფლებას არ შეექმნას დამატებითი რისკები, აუცილებელია მისი აღდგენა და ამავდროულად აუცილებელია იმ გამოწვევების დაძლევა, რასაც ადგილი აქვს მაგალითად წნელისის და ჩორჩანას მიდამოში“, - განაცხადა ციხელაშვილმა.

გია ხუხაშვილი - თუ პროპორციულ არჩევნებში ხელისუფლებამ ვერ მოახერხა 40%-იანი ბარიერის გადალახვა, ხელისუფლებას მეორე ტურში შეიძლება შეექმნას სერიოზული პრობლემა
ქართული პრესის მიმოხილვა 17.09.2020
ზვიად კირტავა -  ახლა, როცა ვირუსს უკეთ ვიცნობთ, შეიძლება უფრო წერტილოვანი, ხანმოკლე და ლოკალური შეზღუდვების იმედად ვიყოთ
რან გიდორი - სწრაფვა მშვიდობისკენ კორონავირუსის დასამარცხებლად
"მემარცხენე ალიანსის" ლიდერი კახა ძაგანია - "ვხსნით ჩვენს პარტიას რეგისტრაციიდან და ვუერთდებით "პატრიოტთა ალიანსს"
ირმა ინაშვილი - ჩვენთან მიმართებაში გამოცხადებულია საინფორმაციო ბლოკადა
წინანდლის მამული რიგით მეორე მუსიკალურ ფესტივალს მასპინძლობს
წინანდლის მუზეუმს შარლ დე გოლის წერილები გადაეცა