გია ვოლსკი - მინდა დეპუტატები და მომხრეები გავაფრთხილო - ზღვარგადასული გინება, დამცირება, რასაც არც ქართველობა და არც ტრადიცია სცხია, პროვოცირებისთვის იქნება გამოყენებული

ფიზიკური დაპირისპირება გამართლებული არ არის. უნდა შევთანხმდეთ პრინციპზე, რომ არ აქვს მნიშვნელობა რომელ პოლიტიკურ პარტიას განეკუთვნება დაზარალებული ადამიანი, - ამის შესახებ პარლამენტის პირველმა ვიცე-სპიკერმა გია ვოლსკიმ ჟურნალისტებს განუცხადა, რითაც გამოეხმაურა საკრებულოში უმრავლესობის დეპუტატებსა და ლევან ხაბეიშვილს შორის ფიზიკურ დაპირისპირებას. ვოლსკის განცხადებით. საკითხების მუშტი-კრივით გადაწყვეტა კატეგორიულად მიუღებელია.

„ფიზიკური დაპირისპირება გამართლებული არ არის. უნდა შევთანხმდეთ პრინციპზე, რომ არ აქვს მნიშვნელობა რომელ პოლიტიკურ პარტიას განეკუთვნება დაზარალებული ადამიანი. ამასთან, მინდა ყველა - დეპუტატები, ჩვენი მომხრეები, ოფიციალური თუ არაოფიციალური პირები - გავაფრთხილო, რომ ეს ზღვარგადასული გინება, დამცირება, უკიდურესი ლანძღვა, რასაც არც ქართველობა და არც ტრადიცია სცხია, აუცილებლად იქნება გამოყენებული პროვოცირებისთვის. ასეთი ლაპარაკი არ არის დამახასიათებელი არცერთი პოლიტიკური საზოგადოებისთვის განვითარებულ დემოკრატიებში, ამასთან, არც ისაა დამკვიდრებული, რომ მუშტი-კრივით გადაწყვიტო ეს საკითხები. ეს კატეგორიულად მიუღებელია. წინასაარჩევნო პერიოდია, პარტიებს შორის ურთიერთობაში საკმაოდ მაღალია დაძაბულობის დონე. კატეგორიულად დაუშვებელია, რომ ეს დაძაბულობა გადავიდეს საზოგადოებაში,“ - განაცხადა ვოლსკიმ.

ლევან დოლიძე - სირიაში მოვლენების განვითარება დამოკიდებულია იქნება იმაზე, რამდენად კოორდინირებულად იმოქმედებს ნატო, აშშ და თურქეთი, თუმცა, საქართველოში სირიიდან მიგრანტების დიდ ნაკადს არ ველი
ქართული პრესის მიმოხილვა 29.02.2020
ირაკლი მელაშვილი - ვფიქრობ, საარჩევნო სისტემასთან დაკავშირებით არსებულ  ფონზე ხელისუფლებას გაუჭირდება ოპოზიციისთვის მოლაპარაკებების ჩაშლის გადაბრალება
კორონავირუსის გავლენა ეკონომიკაზე  -  1.1 ტრილიონიანი დანაკარგი
ყველა ბიზნეს პროცესის ავტომატიზაცია - Nova-სა და BDO-ს პარტნიორობა
აღნიშნეთ დედის დღე სასტუმრო „ქორთიარდ მარიოტში“ (R)