ირაკლი აბესაძის განცხადებით, მიუხედავად იმისა, რომ საკრებულოს კარები ჩაკეტეს, ოპოზიცია შენობაში ძალისმიერი მეთოდით შესვლას არ აპირებს

თბილისის საკრებულოსთან ამ დრომდე რჩებიან "ნაციონალური მოძრაობისა" და "ევროპული საქართველოს წევრები" . როგორც "ევროპული საქართველოს" წევრმა ირაკლი აბესაძემ ჟურნალისტებს განუცხადა, მიუხედავად იმისა, რომ საკრებულოს კარები ჩაკეტეს, ოპოზიცია შენობაში ძალისმიერი მეთოდით შესვლას არ აპირებს.

მისი თქმით, "კარების ჩაკეტვა ეს არის მორიგი კომიკური სიტუაცია და "ქართული ოცნება" თავს სირაქლემის პოზიციაში იყენებს". აბესაძის განცხადებით, ლევან ხაბეიშვილსა და "ქართული ოცნების" დეპუტატებს შორის მომხდარ ფიზიკურ დაპირისპირებაზე გამოძიება დროულად უნდა დაიწყოს.

"ეს არის ხელისუფლების ხელწერა, ეს არის ხელისუფლების მხრიდან დაქირავებული დეპუტატების თუ სხვა ტიპის „ტიტუშკების" ძალადობა პოლიტიკურ ოპონენტზე.ეს შესაძლოა ამ ხელისუფლების პირობებში დაუსჯელი დარჩეს, მიუხედავად იმისა, რომ ეს სისხლის სამართლის დანაშაულია, თუმცა დაუსჯელი ნამდვილად არ დარჩება, როცა ხელისუფლება შეიცვლება.ეს არის საზოგადოებისთვის ძლიერი არგუმენტი, თუ რატომ უნდა შეიცვალოს ხელისუფლება",- განაცხადა ირაკლი აბესაძემ.

თამარ გაბუნია - ეპიდემიის გავრცელების მაჩვენებელი ჯერ კონტროლის ფარგლებში რჩება, თუმცა გარკვეული შერბილებების შემდეგ, რაღაცნაირად მოვდუნდით
ზვიად კირტავა - მთავარია, ყველა მოქალაქემ გააცნობიეროს - თუ სწორად მოექცევა ჯანმრთელობას, სამუშაოს და ბიზნესსაც შეინარჩუნებს, თუ წესებს დაივიწყებს, ყველას და ყველაფერს რისკის ქვეშ დააყენებს
ქართული პრესის მიმოხილვა 01.06.2020
"დიჯიტალ ტვ" საიუბილეო აქციას იწყებს
„დრესაპ ჯგუფის“ მაღაზიები გაიხსნა