სერბეთის დედაქალაქ ბელგრადში საქართველოს საქმეთა დროებითი რწმუნებულის ოფისის ხელშეწყობით ქართული ღვინის პრეზენტაცია გაიმართა, ცნობილი სერბი სომელიეების, ჟურნალისტების, ბლოგერებისა და სადისტრიბუციო კომპანიების წარმომადგენლებისთვის.
როგორც „ინტერპრესნიუსს“ საგარეო საქმეთა სამინისტროდან აცნობეს, ღონისძიებაზე მოწვეულ სტუმრებს გააცნეს საქართველოში ღვინის წარმოების მრავალსაუკუნოვანი ისტორია და ტრადიციები, ასევე ქვეყნის საექსპორტო შესაძლებლობები.
მათივე ინფორმაციით, ღონისძიების შედეგად მომზადდება სტატიები და სიუჟეტები საქართველოსა და ქართული მეღვინეობის შესახებ, რაც ხელს შეუწყობს სერბეთში ქართული ღვინისა და ალკოჰოლური სასმელების ექსპორტის დაწყებას.