8 იანვარს, ირანის მიერ ერაყის სამხედრო ბაზების დაბომბვის შედეგად, 34 ამერიკელი სამხედრო მოსამსახურე დაშავდა. ამის შესახებ პენტაგონის ოფიციალურმა წარმომადგენელმა ჯონათან ჰოფმანმა განაცხადა.

„ბოლო მონაცემებით, 34-მა სამხედრომ კონტუზია და თავის ტვინის ტრავმა მიიღო“ , - განაცხადა ჰოფმანმა ბრიფინგზე.

მისი თქმით, რვა სამხედრო მოსამსახურე მკურნალობას აშშ-ში გადის, ცხრა - გერმანიაში. დანარჩენები საკუთარ სამხედრო ნაწილებში დაბრუნდნენ ერაყში.

ცნობისთვის, 8 იანვარს ირანმა ამერიკული ბაზების მიმართულებით ერაყში 15 რაკეტა გაუშვა, რაც 3 იანვარს ყასემ სოლეიმანის მკვლელობის საპასუხოდ განახორციელა.