თურქეთში მომხდარი ძლიერი მიწისძვრის შედეგად, გარდაცვლილთა რაოდენობა 18-მდე გაიზარდა. დაშავებულთა რიცხვი კი ბოლო მონაცემებით 651-ს აღწევს. ამის შესახებ ინფორმაციას ქვეყნის საგანგებო სიტუაციათა და სტიქიურ უბედურებათა სამმართველო ავრცელებს.

უწყების ინფორმაციით, ყველაზე მეტი, 14 ადამიანი დაიღუპა ელიაზიღის პროვინციაში, მალათიაში კი მიწისქვეშა ბიძგებს 4 ადამიანი ემსხვერპლა. მხოლოდ ელიაზაღში მიწისძვრის შედეგად 403 ადამიანი დაშავდა.

სხვადასხვა რეგიონში დაშავებულთა რიცხვი 651-ს აღწევს.

დამგრეულია საცხოვრებელი სახლები, სტიქიის ზონაში, ნანგრევებში დარჩენილ ადამინებს მაშველები ამ დრომდე ეძებენ.

აღმოსავლეთ თურქეთში, ადგილობრივი დროით პარასკევს, 20:55 საათზე, ქალაქ სივრიჯის მახლობლად, ძლიერი მიწისქვეშა ბიძგები დაფიქსირდა, რომლის მაგნიტუდამ 6.8 შეადგინა. მისი ეპიცენტრი 7 კილომეტრის სიღრმეში მდებარეობდა.