ლევან ხაბეიშვილი - პოლიციაში გამოკითხვაზე მოვედი - არ ვაპირებ ვინმეს ფიზიკურად გავუსწორდე, რადგან ჩემი პლუსი არ არის ფიზიკური ანგარიშსწორება

ძველი თბილისის პოლიციის სამმართველოში, თბილისის საკრებულოს " ნაციონალური მოძრაობის" წევრის ლევან ხაბეიშვილის გამოკითხვა მიმდინარეობს. ის სამმართველოში ადვოკატ გიორგი კონდახიშვილთან და საკრებულოს დეპუტატ ირაკლი ნადირაძესთან ერთად მივიდა.

როგორც ლევან ხაბეიშვილმა დაკითხვის დაწყებამდე ჟურნალისტებს განუცხადა, მას არ აქვს იმედი, რომ "კრიმინალური ხელისუფლების" პირობებში საკრებულოში მასსა და "ქართული ოცნების" დეპუტატებს შოროს მომხდარ ფიზიკურ დაპირისპიებას ობიექტურად გამოიძიებენ.

"როცა დამკვეთი არის თვითონ ხელისუფლება და კახა კალაძე, ამ დროს, ამ კრიმინალური დაწესებულებიდან, სადაც მინისტრის ოჯახის წევრების გამო მაიორებს სამსახურიდან ათავისუფლებენ და პოლიციელებს დევნიან, ცხადია, არაფრის იმედი არ მაქვს. მათ დამიბარეს და თქვეს, რომ გამოძიება დავიწყეთ და გამოკითხვაზე უნდა მოხვიდეო. შესაბამისად, მე როგორც კანონმორჩილი ადამიანი მოვედი. ასევე საზოგადოებას მინდა, ვუთხრა და ხელისუფლებას შევახსენო - ანრი ოხანაშვილს, რომ სიტყვიერი შეურაცხყოფა მიაყენა ადამიანმა, დააკავეს. ამ შემთხვევაში, როცა რამდენიმე ტურა უკნიდან მოპარვით და ანგარიშსწორებით გამოიჩეოდა ჩემს მიმართ,ისინი დღეს თავისუფლად გადაადგილდებიან და ამ დრომდე გამოკითხვაზე არ დაუბარებიათ. თუმცა, მე უკვე მოვედი და კანონის შესაბამისად მივცემ ჩვენებას. ამ ადამიანებს არ ვაპირებ ფიზიკურად გავუსწორდე, რადგან ჩემი პლუსი არ არის ფიზიკური ანგარიშსწორება და ზოგადად, ყველა ძალადობას ვგმობ, მათ შორის ,ანრი ოხანაშვილის მიმართ განხორცილებულ ძალადობას, თუმცა როცა ხელისუფლება შეიცვლება, კანონის წინაშე ამ ადამიანებს პასუხისგება მოუწევთ. იმიტომ, კი არა, რომ მე დავიბოღმე და ცოტა ხანი ყვითელი თვალი მაქვს, არა, უბრალოდ, ძალადობა ამ ქვეყანაში უნდა დასრულდეს", - განაცხადა ხაბეიშვილმა.

იხილეთ ვიდეო

კორნელი კაკაჩია - ხელისუფლებამ უნდა შეძლოს ქვეყნის გადაყვანა დაპირისპირების რელსებიდან კონსტრუქციულობის ფორმატში, თუმცა ამის რესურსს მმართველ გუნდში ვერ ვხედავ
დიმიტრი შველიძე - რუსული ოკუპაციის 100 წლისთავზე მთავარია გვახსოვდეს - ყოფილი მეტროპოლია ფარული ჩარევით, მშვიდად უყურებს საქართველოში პოლიტიკური ბანაკების გაუთავებელ ომს
ქართული პრესის მიმოხილვა 25.02.2021
კომპანია "სილქნეტი" განცხადებას ავრცელებს
როგორ შეუძლიათ ბიზნესებს თანამშრომელთა სამუშაო საათები ავტომატურად აღრიცხონ?
ბაკურიანის მსოფლიო თასის ეტაპებისთვის რეგისტრაცია დასრულებულია
ჰააგის სისხლის სამართლის საერთაშორისო სასამართლოსთან არსებულმა დაზარალებულთა ნდობის ფონდმა საქართველოსთვის დახმარების პროგრამა დაამტკიცა
ლაბორატორია „მეგალაბში“ კორონავირუსის ე.წ. ბრიტანული შტამის დადგენაა შესაძლებელი