აშშ-საქართველოს სტრატეგიული პარტნიორობის ქარტიის ფარგლებში, ხალხთაშორისი ურთიერთობებისა და კულტურული გაცვლების სამუშაო ჯგუფის შეხვედრა გაიმართა

ვაშინგტონში, სახელმწიფო დეპარტამენტში, აშშ-საქართველოს სტრატეგიული პარტნიორობის ქარტიის ფარგლებში, ხალხთაშორისი ურთიერთობებისა და კულტურული გაცვლების სამუშაო ჯგუფის შეხვედრა გაიმართა. ამის შესახებ „ინტერპრესნიუსს“ საგარეო საქმეთა სამინისტროდან აცნობეს.

მათი ინფორმაციით, შეხვედრას საქართველოს მხრიდან თავმჯდომარეობდნენ საგარეო საქმეთა მინისტრის პირველი მოადგილე ვახტანგ მახარობლიშვილი და განათლების, მეცნიერების, კულტურისა და სპორტის მინისტრის პირველი მოადგილე, ირინე აბულაძე, ხოლო აშშ-ის მხრიდან - სახელმწიფო მდივნის თანაშემწის მოადგილე განათლებისა და კულტურის საკითხებში, ალიშა ვუდვარდი და აშშ-ის საერთაშორისო განვითარების სააგენტოს ადმინისტრატორის მოადგილის თანაშემწე, ალექსანდრე სოკოლოვსკი.

სამუშაო ჯგუფის ფარგლებში, მხარეებმა განიხილეს საქართველოს პროგრესი და ორ ქვეყანას შორის მიმდინარე თანამშრომლობა განათლების, კულტურის, სპორტის, სტრატეგიული კომუნიკაციებისა და სამოქალაქო ინტეგრაციის მიმართულებით. ასევე, საუბარი შეეხო საქართველოს ოკუპირებულ ტერიტორიებზე მცხოვრები მოსახლეობის მდგომარეობას, ამ კუთხით არსებულ გამოწვევებსა და სამომავლო ნაბიჯებს.

ქართულმა მხარემ შეხვედრის მონაწილეებს ოკუპირებულ ტერიტორიებზე არსებული ვითარების, ადგილობრივი მოსახლეობის ურთულესი საცხოვრებელი პირობების და მათ გასაუმჯობესებლად საქართველოს მთავრობის ძალისხმევის შესახებ ინფორმაცია მიაწოდა. ყურადღება გამახვილდა საქართველოს მთავრობის ინიციატივაზე - „ნაბიჯი უკეთესი მომავლისაკენ.“

„შეხვედრაზე განიხილეს ამერიკის შეერთებული შტატებისა და საქართველოს მჭიდრო თანამშრომლობის საკითხები. ქართულმა მხარემ განსაკუთრებული მადლიერებით აღნიშნა ამერიკელი ხალხისა და აშშ-ის მთავრობის (მათ შორის, სახელმწიფო დეპარტამენტის, აშშ-ის საერთაშორისო განვითარების სააგენტოს (USAID), ათასწლეულის გამოწვევის კორპორაციის (MCC)) მხარდაჭერა და იმედი გამოთქვა, რომ ნაყოფიერი თანამშრომლობა შემდგომშიც გაგრძელდება.

აშშ-ის მხარემ საქართველოს სუვერენიტეტისა და ტერიტორიული მთლიანობისადმი მტკიცე მხარდაჭერა გამოთქვა და პოზიტიურად შეაფასა საქართველოს მთავრობის ძალისხმევა, გაზარდოს საქართველოს აფხაზეთისა და ცხინვალის რეგიონებში მცხოვრები პირების ჩართულობა, სხვადასხვა მომსახურებებისა და სიკეთეების მათზე განვრცობის შესაძლებლობა. აშშ-ის მხარემ ასევე აღნიშნა საქართველოს მიერ მიღწეული პროგრესი და რეფორმები ევროატლანტიკურ სტრუქტურებში ინტეგრაციის გზაზე. მხარეებმა განსაკუთრებული ყურადღება გაამახვილეს ღია და გულახდილი კომუნიკაციისა და ხალხთაშორისი ურთიერთობების მნიშვნელობაზე. მათ ასევე ხაზგასმით აღნიშნეს, საქართველოსა და აშშ-ის სტრატეგიული პარტნიორობის კიდევ უფრო განმტკიცებისა და გაღრმავების აუცილებლობა,”- ნათქვამია საგარეო უწყების ინფორმაციაში.

კორნელი კაკაჩია - ხელისუფლებამ უნდა შეძლოს ქვეყნის გადაყვანა დაპირისპირების რელსებიდან კონსტრუქციულობის ფორმატში, თუმცა ამის რესურსს მმართველ გუნდში ვერ ვხედავ
დიმიტრი შველიძე - რუსული ოკუპაციის 100 წლისთავზე მთავარია გვახსოვდეს - ყოფილი მეტროპოლია ფარული ჩარევით, მშვიდად უყურებს საქართველოში პოლიტიკური ბანაკების გაუთავებელ ომს
ქართული პრესის მიმოხილვა 26.02.2021
როგორ იქმნება მომავლის რესტორნები მსოფლიოში? რა უნდა გაითვალისწინონ ქართველმა რესტორატორებმა
ახალი სენსორული POS სავაჭრო ობიექტებისთვის
რას წარმოადგენს Samsung-ის ოფიციალური ჰოლოგრამა?
სითი თაუერი – შენი პარტნიორი ბიზნესში! (R)
კომპანია "სილქნეტი" განცხადებას ავრცელებს
როგორ შეუძლიათ ბიზნესებს თანამშრომელთა სამუშაო საათები ავტომატურად აღრიცხონ?
ბაკურიანის მსოფლიო თასის ეტაპებისთვის რეგისტრაცია დასრულებულია
ჰააგის სისხლის სამართლის საერთაშორისო სასამართლოსთან არსებულმა დაზარალებულთა ნდობის ფონდმა საქართველოსთვის დახმარების პროგრამა დაამტკიცა
ლაბორატორია „მეგალაბში“ კორონავირუსის ე.წ. ბრიტანული შტამის დადგენაა შესაძლებელი