ლევან ხაბეიშვილი - ექსპერტმა ყველა დაზიანება დაწერა, რომელიც მაქვს შუბლის, თავის, თვალის, ფეხის არეში, თუმცა ამას ექსპერტიზა რად უნდა?!

საკრებულოს „ნაციონალური მოძრაობის“ წევრის ლევან ხაბეიშვილის განცხადებით, საკრებულოში მასსა და „ქართული ოცნების“ დეპუტატებს შორის მომხდარი დაპირისპირებისას მიღებულ დაზიანებეზე ექსპერტიზა ჩაუტარდა.

„ექსპერტმა ყველა დაზიანება დაწერა, რომელიც მაქვს შუბლის, თავის, თვალის, ფეხის, არეში და გვერდებზე. დააფიქსირა დაზიანება, თუმცა ამას ექსპერტიზა რად უნდა?! ფიზიკური ანგარიშსწორება მოხდა პირდაპირ ეთერში. შესაბამისად, ამ დრომდე მარტივი იყო ამ პირების დაკავება. ვხედავთ, რომ ეს ადამიანები ჯერ არ გამოუკითხავთ. ამ ამბავში ერთადერთი კარგია ის, რომ გამოძიება დაიწყო, ექსპერტიზა თავად მოითხოვეს, როგორც კი ხელისუფლება შეიცვლება, ამ მოძალადე ადამიანებს პასუხისმგებლობა კანონის წინაშე მოუწევთ“, - განუცხადა ხაბეიშვილმა ჟურნალისტებს.

ცნობისთვის, 24 იანვარს თბილისის საკრებულოს "ქართული ოცნების" დეპუტატებსა და "ნაციონალური მოძრაობის" წევრ ლევან ხაბეიშვილს შორის ფიზიკური დაპირისპირება მოხდა. დაპირისპირება გაერთიანებული კომისიის სხდომაზე მოხდა და მასში დეპუტატები: ავთანდილ ცინცაძე, ირაკლი ზარქუა, გიორგი ჩაკვეტაძე და ალექსანდრე ხუჯაძე მონაწილეობდნენ.

სტეპან გრიგორიანი - რუსეთი ჩქარობს სამხრეთ კავკასიაში დასავლეთთან შედარებით უპირატესობის მიღწევას
მინდია დავითაძე - საამაყოა, როცა WIPO-ს გენერალური დირექტორის მხრიდან დადებითად ფასდება საქპატენტის საქმიანობა
ქართული პრესის მიმოხილვა 05.03.2021
ზურაბ ბატიაშვილი - ხელისუფლებას აქვს მარტივი არჩევანი - ან დასავლეთთან ერთად ან დასავლეთის წინააღმდეგ, ამ არჩევანში თუ დასავლეთის და საკუთარი ხალხის წინააღმდეგ წავლენ, ხელისუფლებას მალევე დაკარგავენ
იურიდიული პირები პროკრედიტ ბანკში ანგარიშებს დისტანციურად გახსნიან
საერთაშორისო სისტემა ინტელიექსპრესი საქართველოს მოქალაქეებისთვის ევროპულ სერვისებზე წვდომას ამარტივებს