ბრაზილიის აღმოსავლეთ ნაწილში, მინას-ჟერაისის შტატში ძლიერმა წვიმებმა მეწყერი გამოიწვია, რასაც 14 ადამიანის სიცოცხლე ემსხვერპლა. ამ ინფორმაციას ბრაზილიური მედია ავრცელებს. მათი თქმით, მეწყრის ჩამოწოლის შედეგად ასობით სახლი განადგურდა, რის შედეგადაც 2 500-ზე მეტი ადამიანი საცხოვრებლის გარეშე დარჩა. სტიქიას 14 ადამიანი ემსხვერპლა, 7 კი დაშავდა. მაშველები სამძებრო სამუშაოებს ამ დრომდე აგრძელებენ.
სინოპტიკოსების განცხადებით, ბრაზილიაში ძლიერი წვიმა რამდენიმე დღის განმავლობაში გაგრძელდება, რის გამოც ქვეყნის რამდენიმე რეგიონში მეწყრის ჩამოწოლაა მოსალოდნელი. ხელისუფლება მოსახლოებას განსაკუთრებული სიფრთხილისკენ მოუწოდებს.