სუს-ი „ნაციონალური მოძრაობის“ მიერ გავრცელებულ ინფორმაციას, გიორგი დვალიშვილის უკანონო თვალთვალის თაობაზე კატეგორიულად უარყოფს
სახელმწიფო უსაფრთხოების სამსახური კატეგორიულად უარყოფს "ერთიანი ნაციონალური მოძრაობის" სრულიად უსაფუძვლო და პოლიტიკურად მოტივირებულ ბრალდებებს,-ამის შესახებ "ინტერპრესნიუსს" სუს-ში განუცხადეს.
"აღსანიშნავია, რომ სხვადასხვა დროს კონკრეტული პოლიტიკური ძალებისა და მათი აქტივისტების მიერ სახელმწიფო უსაფრთხოების სამსახურის მისამართით გავრცელებული მსგავსი ბრალდებები არ ეფუძნება ფაქტებსა და მტკიცებულებებს და მხოლოდ უწყების დისკრედიტაციას და პოლიტიკურ მიზნებს ემსახურება",-ნათქვამია ინფორმაციაში.
