ქართული კულტურა და ისტორია, ,,ქართული ოცნებისთვის" არანაირ ღირებულებას არ წარმოადგენს , - ასე ეხმაურება პოლიტიკური გაერთიანება ,,ლელო საქართველოსთვის" ერთ-ერთი ლიდერი დეა მეტრეველი ასკანის ქუჩაზე მიმდინარე სარეაბილიტაციო სამუშაოებს.
,,მერე ნუ უკვირთ, რომ სიტყვა „მშენებლობა“, ოცნების ხელისუფლების პირობებში, ნგრევასთან და დანაშაულთან ასოცირდება. ასკანის ქუჩის სარეაბილიტაციო სამუშაოებით ძველი თბილისის კიდევ ერთი ისტორია იკარგება. როდემდე უნდა ეწირებოდეს კულტურული მემკვიდრეობის ძეგლები არაპროფესიონალიზმს და გულგრილობას? სამწუხაროდ, ამ ყველაფერს ერთი ახსნა აქვს მხოლოდ - ქართული კულტურა და ისტორია, იმ სახელმწიფო უწყებებისთვის და მათში მოკალათებული ჩინოვნიკებისთვის, ვისაც კანონით ევალებათ ქალაქში ასეთი განუკითხაობის აღკვეთა, არანაირ ღირებულებას არ წარმოადგენს" ,- განაცხადა დეა მეტრეველმა.