ოთარ კახიძის განცხადებით, პროპორციულ საარჩევნო სისტემასთან დაკავშირებულ შეხვედრაზე, ოპოზიცია ხელისუფლებისგან კონკრეტულ მოდელს ელოდება

„ევროპული საქართველოს" ერთ-ერთი წევრის ოთარ კახიძის განცხადებით, პროპორციულ საარჩევნო სისტემასთან დაკავშირებულ შეხვედრაზე, რომელიც სავარაუდოდ, მიმდინარე კვირას გაიმართება, ოპოზიცია ხელისუფლებისგან კონკრეტულ მოდელს ელოდება. როგორც კახიძემ ჟურნალისტებს განუცხადა, თუ მოდელში პროპორციული საარჩევნო სისტემის პრინციპი იქნება დაცული, უკვე ოპოზიცია მორიგ რაუნდზე შემდგომი ნაბიჯებისთვის იქნება მზად.

"ასე არ გამოუვათ. რა შეურაცხყოფაც ქართულ საზოგადოებას მიაყენეს, უკან უნდა წაიღონ ეს. ისეთი მოდელი დადონ, რომელშიც ასახული იქნება პროპორციულის პრინციპი. ანუ, რა მხარდაჭერასაც მიიღებს პოლიტიკური ძალა არჩევნებში, ის წარმომადგენლობა უნდა ჰყავდეს პარლამენტში.ეს პრინციპი უნდა იყოს დაცული. მათი წარმოდგენილი ვერსიით ეს პრინციპი დაცული არ არის, ამიტომ, თუ მოახერხებენ და შეჯერდებიან იმ მოდელზე, რომელშიც დაცული იქნება ეს პრინციპი ოპოზიცია, რა თქმა უნდა, გაიზიარებს. ჩვენი თვითმიზანი ამ რეჟიმში ყოფნა არ არის, ჩვენი მიზანია ცივილური ოპონირება ხელისუფლებასთან და არჩევნებზე მათი დამარცხება. ოღონდ, ეს არჩევნები სამართლიანი უნდა იყოს. თუ ამას არ გააკეთებენ, განაგრძობენ ქართული საზოგადოების შეურაცხყოფას, კიდევ უფრო მწარედ დამარცხდებიან. ამიტომ, სცენარი მათთვის არის ცუდი და უარესი", - განაცხადა ოთარ კახიძემ.

კახა გოგოლაშვილი - ევროკავშირის მედიაცია გახდა ინსტრუმენტი, რომელიც არ არის ერთჯერადი, სანამ კრიზისი არ მოგვარდება, ევროკავშირი ამ პროცესში ჩართული იქნება
ქართული პრესის მიმოხილვა 01.03.2021
ქართული კონსტიტუციის 100 წლისთავთან დაკავშირებით კავკასიის საერთაშორისო უნივერსიტეტი სამეცნიერო კრებულს ამზადებს
ევროპის გუნდი: ლიბერთი ბანკისთვის უზრუნველყოფილი დამატებითი დახმარებით, COVID-19-ის კრიზისის დასაძლევად  ევროპის საინვესტიციო ბანკის მიერ მიკრო, მცირე და საშუალო საწარმოების მხარდაჭერა ახალ ეტაპზე გადადის
"მაგნიტის" ყოველდღიური 20%-იანი აქცია უფრო მრავალფეროვანი ხდება
სამომხმარებლო სესხი 3-თვიანი სრული საშეღავათო პერიოდით - ტერაბანკის ახალი აქცია
ბაკურიანში საერთაშორისო სათხილამურო ფედერაციის ეგიდით მსოფლიო თასის ეტაპი სკი კროსში დასრულდა