მოვა დრო და აშშ-ს მოუწევს გადაიხადოს ის დიდი ზიანი, რაც ირანელ ხალხს მიადგა. ჩვენ დიდი მოთმინება გვაქვს ამის შესახებ ქვეყნის საგარეო საქმეთა მინისტრმა მუჰამედ ჯავად ზარიფმა განაცხადა. ირანული მედიის ცნობით, მინისტრმა ასევე მოუწოდა პრეზიდენტ ტრამპს, საგარეო პოლიტიკა ფაქტებზე დაყრდნობით აწარმოოს.

„უმჯობესია დონალდ ტრამპმა მისი საგარეო პოლიტიკა და გადაწყვეტილებები ფაქტებზე დააფუძნოს და არა „ფოქს ნიუსის“ ჰედლაინებსა და მისი ფარსის თარჯიმნებზე“, -დაწერა ზარიფმა სოციალურ ქსელ „ტვიტერში“ და ტრამპს მოუწოდა წაიკითხოს მისი ინტერვიუ „შპიგელთან“.

აღნიშნულ გამოცემასთან ინტერვიუში ზარიფმა განაცხადა, რომ ტრამპის ადმინისტრაციას შეუძლია წარსული გამოასწოროს, მოხსნას სანქციები და დაუბრუნდეს მოლაპარაკებების მაგიდას, „სადაც ირანი ჯერ კიდევ იმყოფება“.