გია ვოლსკი - ხაბეიშვილმაც თავისი წვლილი შეიტანა, ყოველგვარ ზღვარს გადასცდა უზრდელობაც, არაკორექტულობაც, მაგრამ ეს არანაირად არ ამართლებს მუშტი-კრივს

რასაკვირველია, ხაბეიშვილმაც თავისი წვლილი შეიტანა, ყოველგვარ ზღვარს გადასცდა უზრდელობაც, არაკორექტულობაც, მაგრამ ეს არანაირად არ ამართლებს მუშტი-კრივს, - ასე ეხმიანება პარლამენტის პირველი ვიცე- სპიკერი გია ვოლსკი ლევან ხაბეიშვილის ცემის ფაქტს.

მისივე თქმით, მომავალშიც შეიძლება იყოს „ზღვარგადასული კითხვები" ოპონენტებისგან, მაგრამ მსგავსი ინციდენტები დემოკრატიული ქვეყნებისთვის მიუღებელია.

„მე ვერანაირად ვერ გავამართლებ მუშტი-კრივს, რომელი მიმართულებითაც არ უნდა ხდებოდეს. ალბათ, იგივე უნდა გაგვეკეთებინა მაშინ, როცა ამ შენობაში სასტიკად, ფიზიკურად გაუსწორდნენ დეპუტატებს „ნაციონალური მოძრაობის" წარმომადგენლები კარგად ორგანიზებული შემოტევით. მაშინ რომ მოეხდინა რეაგირება საზოგადოებას, პოლიტიკურ ჯგუფებს, შესაბამისი შეფასება მიეცათ ამისთვის სამართალდამცავ ორგანოებს, დღეს ეს არ მოხდებოდა. ფიზიკური ანგარიშსწორება არ უნდა იყოს დაშვებული. რასაკვირველია, ხაბეიშვილმაც თავისი წვლილი შეიტანა ამაში. ყოველგვარ ზღვარს გადასცდა უზრდელობაც, არაკორექტულობაც, მაგრამ ეს არანაირად არ ამართლებს არანაირ მუშტი-კრივს და ფიზიკურ დაპირისპირებას, მაგრამ უნდა ვიცოდეთ, რომ მომავალშიც შესაძლოა, კიდევ მოხდეს პროვოცირება, კიდევ იყოს ასეთი უხეში, ზღვარგადასული კითხვების გამოყენება და არავითარ შემთხვევაში იმ გზას არ უნდა დავადგეთ, რასაც ჰქვია ყოვლად მიუღებელი გზა განვითარებული დემოკრატიებისთვის,"- განაცხადა გია ვოლსკიმ.

ცნობისთვის, 24 იანვარს თბილისის საკრებულოს „ქართული ოცნების" დეპუტატებსა და „ნაციონალური მოძრაობის" წევრ ლევან ხაბეიშვილს შორის ფიზიკური დაპირისპირება მოხდა. დაპირისპირება გაერთიანებული კომისიის სხდომაზე მოხდა და მასში დეპუტატები: ავთანდილ ცინცაძე, ირაკლი ზარქუა, გიორგი ჩაკვეტაძე და ალექსანდრე ხუჯაძე მონაწილეობდნენ.

მარკო მიკელსონი - საქართველომ ყურადღების მოსაპოვებლად უნდა იბრძოლოს - პატარა ქვეყნები იმაზე დიდები უნდა ვიყოთ, ვიდრე ფიზიკურად ვართ
ქართული პრესის მიმოხილვა 27.02.2020
ირაკლი მელაშვილი - ვფიქრობ, საარჩევნო სისტემასთან დაკავშირებით არსებულ  ფონზე ხელისუფლებას გაუჭირდება ოპოზიციისთვის მოლაპარაკებების ჩაშლის გადაბრალება
როგორ დავაჩქაროთ მდგრადი განვითარების მიზნების განხორციელება აზიასა და წყნარ ოკეანეთში
ადგილობრივი სასტუმროების ჯგუფური და ინდივიდუალური დაჯავშნის ონლაინ პლატფორმა HOTEL HUB GEORGIA ბაზარზე ოპერირებას ამიერიდან HOTEL HUB GROUP-ის სახელით გააგრძელებს
„ბადაგონს“ საუკეთესო ქართული ღვინის კომპანიის სტატუსი მიენიჭა
GM Pharma-ს („ჯი-ემ-პი“) ხარისხის ახალი ISO სერტიფიკატი გადაეცა
სამსუნგმა Galaxy S20 სერია წარადგინა
PSP პირველი ჩაერთო გაეროს განვითარების პროგრამის პროექტში „სოციალური დაცვის სისტემის გარდაქმნა შეზღუდული შესაძლებლობის მქონე პირებისთვის“
BDO-მ ინფორმაციული უსაფრთხოების საერთაშორისო სტანდარტის ISO/IEC 27001 სერტიფიცირება გაიარა