ეკატერინე ტიკარაძე - არც ერთ ექიმს არ უთქვამს უარი სამუშაოები გაეწია საზღვარზე - ექიმებს ფიცი გვაქვს დადებული და საკუთარი რისკის ფასად ვახორციელებთ გარკვეულ ჩარევებს

დღემდე არ ყოფილა არც ერთი ექიმის მხრიდან გაცხადებული უარი იმასთან დაკავშირებით, რომ მათ გაეწიათ შეასაბამისი სამუშაოები სასაზღვრო ზონებზე, - ასე გამოეხმაურა ჯანდაცვის მინისტრი ეკატერინე ტიკარაძე ინფორმაციას იმის შესახებ, რომ სასწრაფო დახმარების თანამშრომლების ნაწილმა აეროპორტში კორონავირუსზე მოქალაქეების შემოწმებაზე უარი თქვა.

„ამის შესახებ ინფორმაცია მე წავიკითხე პრესიდან, მაგრამ მინდა დავაფიქსირო, რომ დღემდე არ ყოფილა არც ერთი ექიმის მხრიდან გაცხადებული უარი იმასთან დაკავშირებით, რომ მათ გაეწიათ შესაბამისი სამუშაოები სასაზღვრო ზონებზე, ვინაიდან ისინი დგანან არა მხოლოდ აეროპორტებში, არამედ სახმელეთო და საზღვაო შემოსვლის წერტილებში. ჩვენს ექიმებს ყველას გვაქვს დადებული ფიცი და ჩვენ ყოველთვის საკუთარი რისკის ფასად ვახორციელებთ გარკვეულ ჩარევებს, მაგრამ ამ ეტაპისთვის საერთაშორისო ჯანდაცვის მხრიდანაც არ ყოფილა განსაკუთრებული მითითებები იმის შესახებ, რომ აეროპორტებში მკაცრი რეგულაციები დაგვეწესებინა, თუმცა ჩვენ ამისთვისაც მზად ვართ და საჭიროების შემთხვევაში, როდესაც დაფიქსირდება რისკის მქონე პაციენტები, შემოწმება განხორციელდება ექიმების მხრიდან სრული აღჭურვილობით“, - განაცხადა ეკატერინე ტიკარაძემ.

შეგახსენებთ, რომ გავრცელებული ინფორმაციით, სასწრაფო დახმარების თანამშრომლების ნაწილმა აეროპორტში კორონავირუსზე მოქალაქეების შემოწმებაზე უარი თქვა.

იხილეთ ვიდეო

თენგიზ ფხალაძე  - შიდაპოლიტიკურმა შუღლმა საერთო ეროვნული მეორე პლანზე გადაწია, ერთმანეთთან ძიძგილაობაში გართულები სულ უფრო ვემსგავსებით აისბერგისკენ ჯიუტად მიმავალ ტიტანიკს
ქართული პრესის მიმოხილვა 01.03.2021
სახელმძღვანელო სტარტაპერებისთვის - როგორ ხდება კადრების აყვანა კომპანიებში და რა ბენეფიტებს იღებენ დასაქმებულები
ევროპის გუნდი: ლიბერთი ბანკისთვის უზრუნველყოფილი დამატებითი დახმარებით, COVID-19-ის კრიზისის დასაძლევად  ევროპის საინვესტიციო ბანკის მიერ მიკრო, მცირე და საშუალო საწარმოების მხარდაჭერა ახალ ეტაპზე გადადის
"მაგნიტის" ყოველდღიური 20%-იანი აქცია უფრო მრავალფეროვანი ხდება
სამომხმარებლო სესხი 3-თვიანი სრული საშეღავათო პერიოდით - ტერაბანკის ახალი აქცია
ბაკურიანში საერთაშორისო სათხილამურო ფედერაციის ეგიდით მსოფლიო თასის ეტაპი სკი კროსში დასრულდა