საკრებულოსთან „ნაციონალური მოძრაობისა" და მოძრაობა „შეცვალეს" აქცია დასრულდა. ისინი საკრებულოში შესვლასა და თავმჯდომარესთან შეხვედრას ითხოვდნენ, თუმცა ეს ვერ შეძლეს. მათი მოთხოვნაა, „ქართულმა ოცნებამ" ლევან ხაბეიშვილზე ძალადობაში მონაწილე პირები უმრავლესობიდან გარიცხოს და მათ წინააღმდეგ გამოძიება დაიწყოს.

აქციის მონაწილეებს მიმართა საკრებულოში „ნაციონალური მოძრაობის" დეპუტატმა, ლევან ხაბეიშვილმა. მან აქციის მონაწილეებს მისვლისა და მხარდაჭერისთვის მადლობა გადაუხადა.

„მოქნეული ხელი მოხვდა ყველას, ვისაც აქვს განსხვავებული პოზიცია, ვინც აპროტესტებს კორუფციას და ვინც ფიქრობს, რომ სოციალური უთანასწორობის პირობებში ვცხოვრობთ, ვინც ფიქრობს, რომ ქვეყნის წინსვლა გვინდა. ესენი კრიმინალები არიან“, - განაცხადა ხაბეიშვილმა.