ლევან ხაბეიშვილი ძველი თბილისის პოლიციის სამმართველოში მივიდა

საკრებულოს წევრი „ნაციონალური მოძრაობიდან" ლევან ხაბეიშვილი ძველი თბილისის პოლიციის სამმართველოში ადვოკატთან ერთად მივიდა. როგორც ხაბეიშვილის ადვოკატმა, გიორგი კონდახაშვილმა ჟურნალისტებთან განაცხადა, დღეს ინციდენტის ვიდეოკადრების დათვალიერება მოხდება.

ადვოკატის თქმით, ისინი დღეს ლევან ხაბეიშვილისთვის დაზარალებულის სტატუსის მინიჭებას ელიან.

„ექსპერტიზა ჩატარებულია, გამოძიებას დეტალური ინფორმაცია აქვს, გაშიფრული ვიდეო მასალა გვაქვს. ჩვენ პარასკევს დავაყენეთ ოფიციალურად დაზარალებულის სტატუსის მონიჭების თაობაზე შუამდგომლობა. 48 საათის განმავლობაში პროკურორმა უნდა მიიღოს გადაწყვეტილება. დღეს ან ჩვენ გვანიჭებენ დაზარალებულის სტატუს ან ფაქტობრივად ამ საქმეს უკვე ეძლევა ფორმალური მსვლელობა, რადგან ყველანაირი საფუძველი აქვს მყისიერი რეაგირების გამოძიებას. როგორც ჩვენთვის არის ცნობილი, დღემდე, ვინც პირდაპირი მნიშვნელობით ფიგურირებს ჯგუფურ ძალადობაში, არავინ გამოუკითხავთ და გრძელდება ასე ვთქვათ ფორმალური საგამოძიებო ქმედებები", - განაცხადა ლევან ხაბეიშვილის ადვოკატმა გიორგი კონდახიშვილმა.

ცნობისთვის, 24 იანვარს თბილისის საკრებულოს „ქართული ოცნების" დეპუტატებსა და „ნაციონალური მოძრაობის" წევრ ლევან ხაბეიშვილს შორის ფიზიკური დაპირისპირება მოხდა. დაპირისპირება გაერთიანებული კომისიის სხდომაზე მოხდა და მასში დეპუტატები: ავთანდილ ცინცაძე, ირაკლი ზარქუა, გიორგი ჩაკვეტაძე და ალექსანდრე ხუჯაძე მონაწილეობდნენ.

კორნელი კაკაჩია - ხელისუფლებამ უნდა შეძლოს ქვეყნის გადაყვანა დაპირისპირების რელსებიდან კონსტრუქციულობის ფორმატში, თუმცა ამის რესურსს მმართველ გუნდში ვერ ვხედავ
დიმიტრი შველიძე - რუსული ოკუპაციის 100 წლისთავზე მთავარია გვახსოვდეს - ყოფილი მეტროპოლია ფარული ჩარევით, მშვიდად უყურებს საქართველოში პოლიტიკური ბანაკების გაუთავებელ ომს
ქართული პრესის მიმოხილვა 26.02.2021
როგორ იქმნება მომავლის რესტორნები მსოფლიოში? რა უნდა გაითვალისწინონ ქართველმა რესტორატორებმა
ახალი სენსორული POS სავაჭრო ობიექტებისთვის
რას წარმოადგენს Samsung-ის ოფიციალური ჰოლოგრამა?
სითი თაუერი – შენი პარტნიორი ბიზნესში! (R)
კომპანია "სილქნეტი" განცხადებას ავრცელებს
როგორ შეუძლიათ ბიზნესებს თანამშრომელთა სამუშაო საათები ავტომატურად აღრიცხონ?
ბაკურიანის მსოფლიო თასის ეტაპებისთვის რეგისტრაცია დასრულებულია
ჰააგის სისხლის სამართლის საერთაშორისო სასამართლოსთან არსებულმა დაზარალებულთა ნდობის ფონდმა საქართველოსთვის დახმარების პროგრამა დაამტკიცა
ლაბორატორია „მეგალაბში“ კორონავირუსის ე.წ. ბრიტანული შტამის დადგენაა შესაძლებელი