საქართველოს პარლამენტის თავმჯდომარის პირველმა მოადგილემ, გია ვოლსკიმ, ჩეხეთის საელჩოში, ჩეხეთის სენატის პრეზიდენტის, იაროსლავ კუბერას გარდაცვალების გამო, გახსნილ სამძიმრის წიგნში ჩანაწერი გააკეთა. ამის შესახებ ინფორმაციას საქართველოს პარლამენტი ავრცელებს.

„პირადად ჩემი და საქართველოს პარლამენტის სახელით, ღრმა მწუხარებას გამოვხატავ გამორჩეული, ბრწყინვალე და თავდადებული ადამიანის, ჩეხეთის სენატის ყოფილი პრეზიდენტის, იაროსლავ კუბერას გარდაცვალების გამო. ჩეხეთის რესპუბლიკამ დაკარგა ქვეყნის მშვიდობასა და კეთილდღეობაზე მზრუნველი თავდადებული ლიდერი. ის საქართველოს კარგი მეგობარი და პარტნიორი იყო. ჩვენ გულწრფელად თანავუგრძნობთ და სამძიმარს ვუცხადებთ იაროსლავ კუბერას ოჯახსა და ახლობლებს“, -წერს გიორგი ვოლსკი სამძიმრის წიგნში.