ნინო წილოსანის ინფორმაციით, შესაძლოა, საქართველოში ჰიბრიდულ plug-in ავტომობილებზე აქციზის გადასახადი კიდევ უფრო შემცირდეს

პარლამენტის გარემოს დაცვის კომიტეტის თავმჯდომარის, ნინო წილოსანის ინფორმაციით, წახალისების მიზნით, საქართველოში ჰიბრიდულ plug-in ავტომობილებზე აქციზის გადასახადის კიდევ უფრო შემცირება იგეგმება. ელექტროძრავიან სატრანსპორტო საშუალებებთან დაკავშირებული საგადასახადო შეღავათების აღსრულების კონტროლის მიზნით, პარლამენტში დღეს სახელმწიფო უწყებების წარმომადგენლებს შორის შეხვედრა გაიმართა.

წილოსანის განცხადებით, 2016-2018 წლებში, ელექტროძრავიანი სატრანსპორტო საშუალებების შემოყვანასთან დაკავშირებით პარლამენტისა და მთავრობის მხრიდან არაერთი ცვლილება განხორციელდა, თუმცა სტატისტიკა არც ისე სახარბიელოა.

"2019 წლის პირველ კვარტალში შემოყვანილი ავტოსატრანსპორტო საშუალებების მხოლოდ 2 პროცენტი იყო ელექტროძრავიანი ავტომობილები, რაც იმაზე მიგვანიშნებს, რომ დამატებით სხვა ცვლილებებია საჭირო. რეკომენდაციებია ჰიბრიდულ ფლაგინ ავტომობილების დამატებით აქციზის გადასახადისგან გათავისუფლებაზე, ასევე, ელექტროდამტენი სადგურების პრობლემებზე. დავით ნარმანიამ დაგვარწმუნა, რომ ელექტრო ტრანსპორტის მიმართულებით სემეკი მუშაობს და მიმდინარე წელს ევროპული პრაქტიკის დანერგვას აპირებს. თვალყურს მივადევნებთ იმას, რომ ჩვენს ქვეყანაში ელექტროტრანსპორტის შემოყვანა და განვითარება რეალური გახდეს. სახელმწიფოს მყარი გადაწყვეტილება აქვს მიღებული ელექტრო და ეკოლოგიურად სუფთა ტრანსპორტის წახალისებაზე. თბილისის მერია არჩევანს სწორედ ეკოლოგიურად სუფთა ავტოტრანსპორტზე აკეთებს", - განაცხადა წილოსანმა.

ხათუნა ლაგაზიძე  - „ოცნება“ ისეთ თავდაღმართშია, ვერავინ გეტყვით, როდის, რა მომენტში აფეთქდება - პლებისციტზე საუბარმა აზრი დაკარგა, მოლაპარაკება აუცილებელია, მაგრამ უპირობოდ - რიგგარეშე არჩევნებზე
რა კრიტერიუმებს უნდა აკმაყოფილებდეს გერმანიაში სეზონურ სამუშაოზე წასვლის მსურველი და რა იქნება საქართველოს მოქალაქეების ანაზღაურება?
ქართული პრესის მიმოხილვა 08.03.2021
ალექსანდრე თვალჭრელიძე - ქართულმა პოლიტიკურმა სისტემამ მდგრადობა დაკარგა და გარე ჩარევის გარეშე მისი გამოსწორება შეუძლებელია
სილქნეტი განცხადებას ავრცელებს (R)