ჩინეთის რესპუბლიკაში საქართველოს სრულუფლებიანი ელჩის არჩილ კალანდიას განცხადებით, ჩინეთიდან საქართველოს მოქალაქეების ევაკუაციის საკითხი, ამ ეტაპზე, არ დგას.

როგორც „ინტერპრესნიუსს“ არჩილ კალანდიამ განუცხადა, როგორც უხანში, ასევე ჩინეთის სხვადასხვა რეგიონებში პრევენციის უპრეცედენტო ზომები ტარდება.

„ჩვენ მუდმივ კავშირში ვართ ჩვენს პარტნიორ სახელმწიფოებთან და ამის საჭიროება როგორც კი დადგება, შესაბამის ზომებს მივიღებთ. ამ ეტაპზე ჩინურ მხარესთან კონსულტაციისა და მოლაპარაკებების გამართვის შედეგად, ამ ეტაპზე არ დგას ამის საჭიროება. დანარჩენს რაც შეეხება, ჩვენს თანამოქალაქეებს ნებისმიერ დროს შეუძლიათ დაბრუნება“, - განაცხადა არჩილ კალანდიამ.