საბერძნეთში რუსეთის ორ მოქალაქეს ქვეყანაში არალეგალი მიგრანტების შეყვანისთვის, 395 წლით თავისუფლების აღკვეთა შეუფარდეს

საბერძნეთის სააპელაციო სასამართლომ რუსეთის ორ მოქალაქეს, ქვეყანაში არალეგალი მიგრანტების შეყვანისთვის, 395 წლით თავისუფლების აღკვეთა და ჯარიმის სახით, 6 მილიონი ევროს გადახდა დააკისრა. ამის შესახებ რუსული მედია ათენში რუსეთის საელჩოზე დაყრდნობით იუწყება.

მათი ინფორმაციით, პლატონ დავიდოვი და ანტონ კარამოვი გასული წლის ივნისში დააკავეს. ორივე მათგანი მეზღვაურია.

საბერძნეთის კანონებით, არალეგალი მიგრანტების შემოყვანაზე კანონი მკაცრ სასჯელს ითვალისწინებს, რომლის მიხედვითაც, დამნაშავეს, პირველ მიგრანტზე, 15 წლით თავისუფლების აღკვეთა ემუქრება, ხოლო დანარჩენ მიგარანტებზე 7.5 წლით პატიმრობა.

რუსეთის საელჩოში აცხადებენ, რომ ბოლო პერიოდში, საბერძნეთში გახშირდა რუსი მეზღვაურების დაკავების ფაქტები, რომლებიც კონტრაქტით უცხოურ ხომალდებზე მუშაობენ. მათი ინფორმაციით, გასულ წელს 12 რუსი მეზღვაურია დაკავებული, ხოლო, მთლიანობაში, საბერძნეთში სასჯელს 24 რუსი მეზღვაური იხდის.

თენგიზ ფხალაძე  - შიდაპოლიტიკურმა შუღლმა საერთო ეროვნული მეორე პლანზე გადაწია, ერთმანეთთან ძიძგილაობაში გართულები სულ უფრო ვემსგავსებით აისბერგისკენ ჯიუტად მიმავალ ტიტანიკს
ქართული პრესის მიმოხილვა 26.02.2021
კორნელი კაკაჩია - ხელისუფლებამ უნდა შეძლოს ქვეყნის გადაყვანა დაპირისპირების რელსებიდან კონსტრუქციულობის ფორმატში, თუმცა ამის რესურსს მმართველ გუნდში ვერ ვხედავ
1 მარტს, "ამბასადორი ჯგუფი" კურორტ გოდერძიზე ახალ სასტუმროს - „ამბასადორი გოდერძის“ გახსნის