თბილისში, ლუბლიანას ქუჩაზე სუპერმარკეტ „სპარის“ თანამშრომელი მარჯვენა ფერდქვეშა არეშია დაჭრილი. ამის შესახებ „ინტერპრესნიუსს“ საგანგებო სიტუაციების კოორდინაციისა და გადაუდებელი დახმარების ცენტრში განუცხადეს.
როგორც უწყებაში აცხადებენ, დაჭრილია 24 წლის მამაკაცი.
„ლუბლიანას ქუჩიდან 24 წლის მამაკაცი გადაყვანილია თბილისის ცენტრალურ საავადმყოფოში. მას აღენიშნება ჭრილობა მარჯვენა ფერდქვეშა არეში. გადაყვანის მომენტში მამაკაცი კონტაქტური იყო. მისი საერთო მდგომარეობა დამაკმაყოფილებელია“, - აცხადებენ ცენტრში.
შეგახსენებთ, რომ თბილისში, ლუბლიანას ქუჩაზე სუპერმარკეტ „სპარის“ თანამშრომელი დაჭრეს. ფაქტის შესახებ „ინტერპრესნიუსს“ შინაგან საქმეთა სამინისტროში დაუდასტურეს. უწყების ინფორმაციით, გამოძიება სისხლის სამართლის კოდექსის 19-108 მუხლით არის დაწყებული, რაც განზრახ მკვლელობის მცდელობას გულისხმობს.