ნინო ლომჯარია ევროპის საბჭოს ადამიანის უფლებათა კომისარს ომბუდსმენის პატიმრებთან შეხვედრის კონფედენციალური ინფორმაციის გასაჯაროვებაზე ესაუბრა

საქართველოს სახალხო დამცველმა ნინო ლომჯარიამ სტრასბურგში ოფიციალური ვიზიტის ფარგლებში შეხვედრა ევროპის საბჭოს ადამიანის უფლებათა კომისარ დუნია მიატოვიჩთან გამართა და მას საქართველოში ადამიანის უფლებების მდგომარეობის შესახებ ინფორმაცია მიაწოდა. ამის შესახებ „ინტერპრესნიუსს“ სახალხო დამცველის აპარატიდან აცნობეს.

მათი ინფორმაციით, სახალხო დამცველი კომისარს იუსტიციის მინისტრისა და იუსტიციის სამინისტროს დაქვემდებარებული სპეციალური პენიტენციური სამსახურის მიერ სახალხო დამცველის პატიმრებთან შეხვედრის კონფედენციალური ინფორმაციის გასაჯაროვების შემთხვევების თაობაზე ესაუბრა, რაც ომბუდსმენის შეფასებით, როგორც პერსონალური მონაცემების უკანონო გასაჯაროების ფაქტს, ასევე, სისხლის სამართლის კოდექსით დასჯად ქმედებას წარმოადგენს. ნინო ლომჯარიამ ადამიანის უფლებათა კომისარს პროცესზე დაკვირვება და სახალხო დამცველის, როგორც ადამიანის უფლებათა ეროვნული ინსტიტუტის მხარდაჭერა სთხოვა. ევროპის ადამიანის უფლებათა კომისართან ასევე განიხილეს საქართველოს ტერიტორიაზე ე.წ. უკანონო ბორდერიზაციის პროცესი, საზღვრისპირა სოფლებში მცხოვრები ადამიანების სოციალურ-ეკონომიკური მდგომარეობა და უსაფრთხოების საკითხები. სახალხო დამცველმა აღნიშნა, რომ ე.წ. გამშვები პუნქტების ჩაკეტვა რეგიონში ჰუმანიტარულ კრიზისს იწვევს და კომისარს ამ საკითხებთან დაკავშირებით გააქტიურება სთხოვა. საუბარი ასევე შეეხო ასევე, სასამართლოს დამოუკიდებლობის, შეკრებისა და გამოხატვის თავისუფლების მიმართულებით არსებულ გამოწვევებს, არასამთავრობო სექტორზე და ადამიანის უფლება დამცველებზე განხორციელებული ზეწოლის ფაქტებს. შეხვედრას სახალხო დამცველი მოდგილეებთან თამარ გვარამაძესთან, გიორგი ბურჯანაძესთან და ეკატერინე სხილაძესათან ერთად დაესწრო.

სტეპან გრიგორიანი - რუსეთი ჩქარობს სამხრეთ კავკასიაში დასავლეთთან შედარებით უპირატესობის მიღწევას
მინდია დავითაძე - საამაყოა, როცა WIPO-ს გენერალური დირექტორის მხრიდან დადებითად ფასდება საქპატენტის საქმიანობა
ქართული პრესის მიმოხილვა 05.03.2021
ზურაბ ბატიაშვილი - ხელისუფლებას აქვს მარტივი არჩევანი - ან დასავლეთთან ერთად ან დასავლეთის წინააღმდეგ, ამ არჩევანში თუ დასავლეთის და საკუთარი ხალხის წინააღმდეგ წავლენ, ხელისუფლებას მალევე დაკარგავენ
იურიდიული პირები პროკრედიტ ბანკში ანგარიშებს დისტანციურად გახსნიან
საერთაშორისო სისტემა ინტელიექსპრესი საქართველოს მოქალაქეებისთვის ევროპულ სერვისებზე წვდომას ამარტივებს