თამარ კორძაია - ვხედავთ, რომ ხელისუფლება ლევან იზორიას უპატრონოდ არ ტოვებს და ნამდვილად კარგ სახელმწიფოში უშვებს

ვხედავთ, რომ ხელისუფლება ლევან იზორიას უპატრონოდ არ ტოვებს და ნამდვილად კარგ სახელმწიფოში უშვებს, - ასე უპასუხა ჟურნალისტების შეკითხვას „რესპუბლიკური პარტიის" ერთ-ერთმა ლიდერმა თამარ კორძაიამ, რომელიც ლევან იზორიას გერმანიის ელჩად დანიშვნას შეეხებოდა.

მისივე თქმით, იზორიას საკითხთან დაკავშირებით სერიოზულად საუბარი შეუძლებელია და მასზე მხოლოდ ირონიით შეიძლება ლაპარაკი.

„ეტყობა ადამიანს უნდა სიმშვიდე, შეწუხდა ასეთი ხმაურით მის მიმართ და ახლა უნდათ გაუშვან გერმანიაში, რომ განარიდონ ამ პრობლემებს. იზორია ძალიან სერიოზული თემაა, იმიტომ, რომ სამეგრელოში, ჩხოროწყუს რაიონში მხოლოდ ლევან იზორიას ძმა არ არის პრობლემა, ესაა მისი ბიძა, მისი ნათესავი, რომელიც ახლა პარლამენტში შემოდის. არ არსებობს სფერო და ბიზნესი, რომელსაც იზორიების კლანი ჩხოროწყუში არ განკარგავენ", - განაცხადა კორძაიამ.

მისივე თქმით, თავად იზორიას მინისტრობის პერიოდზე საქმეცაა აღძრული.

„თუმცა, ვხედავთ, რომ იზორიას უპატრონოდ ეს ხელისუფლება არ ტოვებს და ნამდვილად კარგ სახელმწიფოში უშვებს. ასეთი წარსულისა და ეჭვების მქონე ადამიანი როგორ წარმოადგენს გერმანიაში საქართველოს ინტერესებს, ამაზე არავინ გვპასუხობს.ჩვენ მიჩვეულები ვართ ხელისუფლების თვითნებობას. მხოლოდ და მხოლოდ ირონიით უნდა ვუყუროთ ამ საკითხს სხვა გზა არ დაგვრჩა“, - განაცხადა კორძაიამ.

ალექსანდრე თვალჭრელიძე - ქართულმა პოლიტიკურმა სისტემამ მდგრადობა დაკარგა და გარე ჩარევის გარეშე მისი გამოსწორება შეუძლებელია
ქართული პრესის მიმოხილვა 05.03.2021
სტეპან გრიგორიანი - რუსეთი ჩქარობს სამხრეთ კავკასიაში დასავლეთთან შედარებით უპირატესობის მიღწევას
მინდია დავითაძე - საამაყოა, როცა WIPO-ს გენერალური დირექტორის მხრიდან დადებითად ფასდება საქპატენტის საქმიანობა
საერთაშორისო სისტემა ინტელიექსპრესი საქართველოს მოქალაქეებისთვის ევროპულ სერვისებზე წვდომას ამარტივებს