ელენე ხოშტარია - ამ ხელისუფლებას დიდი ხანია სურს კრიტიკული აზრი შეზღუდოს

ცდილობენ სასამართლო პრეცედენტებითა და გადაწყვეტილებებით დაამკვიდრონ პრაქტიკა - შენ თუ მთავრობისთვის მოსაწონი ფორმით არ აკრიტიკებ ხელისუფლებას, ამისთვის დაისჯები სასამართლოში, - ამის შესახებ „ევროპული საქართველოს" ერთ-ერთმა ლიდერმა ელენე ხოშტარიამ ჟურნალისტებს დისკუსიის - „ადმინისტრაციული დაკავება-ხელისუფლების იარაღი" დაწყებამდე განუცხადა.

მისივე თქმით, მასობრივი დაკავებები როგორც სისხლის სამართლის, ასევე ადმინისტრაციული კუთხით, გარდა იმისა, რომ პოლიტიკური დევნა და უსამართლობაა, გამოიკვეთა აზრის გამოხატვის შეზღუდვის მიზანმიმართული ტენდენცია.

„ჩვენ ვიცით, რომ ამ ხელისუფლებას დიდი ხანია სურს კრიტიკული აზრი შეზღუდოს. ხან საუბრობენ რაღაცა კანონის მიღებაზე, იმიტომ, რომ ვითომ სიძულვილის ენა აწუხებთ, მაშინ როცა თავად არიან სიძულვილის ენის ქარხნის ამშენებლები „ფეისბუკში". ცოტა ხნის წინ მიიღეს კიდეც ამაზე რეაქცია. ხან რას ცდილობენ, ხან რას, ახლა კი ცდილობენ სასამართლო პრეცედენტებითა და გადაწყვეტილებებით დაამკვიდრონ ეს პრაქტიკა, რომ შენ თუ მთავრობისთვის მოსაწონი ფორმით არ აკრიტიკებ ხელისუფლებას შენ ამისთვის დაისჯები სასამართლოში. ამიტომ იყო კითხვები, მათ შორის, ბიძინა ივანიშვილის გინება დასჯადია თუ არა?!. ამაზე მსჯელობაც კი ნიშნავს, რომ ჩვენ ქვეყანაში აზრის გამოხატვა იზღუდება. რუსეთში იყო მსგავსი, მერე გაჩნდა ცარიელი პლაკატები. ეს იყო პროტესტის ფორმა, იმიტომ რომ პუტინზე არაფერი ცუდის თქმა არ შეიძლებოდა. ამ ტენდენციისკენ მივდივართ", - განაცხადა ელენე ხოშტარიამ.

მისივე თქმით, ამ ფაქტების გათვალისწინებით იკვეთება იმის საფრთხე, რომ ნელ -ნელა შეიძლება ისეთი სამართლებრივი ქვეყანა გავხდეთ, სადაც უბრალოდ აზრის გამოხატვა და რაღაცის თქმა იქნება დასჯადი.

"ჩვენ ასევე ვნახეთ საკრებულოში რაც მოხდა. ერთია რა საშინელებაც მოხდა და მეორე, მთელი მთავრობა რომ ამართლებს - "შეურაცხმყოფელ რაღაცას ამბობდაო" და ფიზიკური თუ სიტყვიერი ძალადობა ერთი და იგივეაო. ამასაც გვაჩვევენ. თუ არ მოგვეწონება, რასაც იტყვით მაშინ გაილახებით, დაგიჭერთ და ა.შ."- განაცხადა ხოშტარიამ.

კახა გოგოლაშვილი - ევროკავშირის მედიაცია გახდა ინსტრუმენტი, რომელიც არ არის ერთჯერადი, სანამ კრიზისი არ მოგვარდება, ევროკავშირი ამ პროცესში ჩართული იქნება
ქართული პრესის მიმოხილვა 01.03.2021
ქართული კონსტიტუციის 100 წლისთავთან დაკავშირებით კავკასიის საერთაშორისო უნივერსიტეტი სამეცნიერო კრებულს ამზადებს
ევროპის გუნდი: ლიბერთი ბანკისთვის უზრუნველყოფილი დამატებითი დახმარებით, COVID-19-ის კრიზისის დასაძლევად  ევროპის საინვესტიციო ბანკის მიერ მიკრო, მცირე და საშუალო საწარმოების მხარდაჭერა ახალ ეტაპზე გადადის
"მაგნიტის" ყოველდღიური 20%-იანი აქცია უფრო მრავალფეროვანი ხდება
სამომხმარებლო სესხი 3-თვიანი სრული საშეღავათო პერიოდით - ტერაბანკის ახალი აქცია
ბაკურიანში საერთაშორისო სათხილამურო ფედერაციის ეგიდით მსოფლიო თასის ეტაპი სკი კროსში დასრულდა